ଶରତ ସକାଳ
ନଳିନୀ ପ୍ରଭା ମିଶ୍ର
ଭାରି ପରିମଳ ଶରତ ସକାଳ
ଆକାଶେ ଆସ ଇ ରବି
ପ୍ରକୃତି ରାଣୀ ଦିଶେ କି! ସୁନ୍ଦର
ଧରି ଅପରୂପ ଛବି।
ଉଜ୍ବଳ ଆଲୋକ ଦିବସ ପ୍ରକାଶି
ଅନ୍ଧକାର କରେ ନାଶ
ଧୀର ସମୀରଣ ଦିଏ ମହକାଇ
ଗଙ୍ଗ ଶିଉଳି ର ବାସ।
ନାନା ଜାତି ଫୁଲେ ଦିଶ ଇ
ସୁନ୍ଦର ପ୍ରକୃତି ର ଉପବନ
ବିହଙ୍ଗ କାକଳୀ ସବୁଠାରୁ ବଳି
ମୋହି ନେଉ ଥାଏ ମନ।
ସବୁଜ କେଦାରେ ଲହରୀ ଖେଳାଏ
ସମୀରଣ ଛୁଇଁ ଛୁଇଁ
ଶରତ ସକାଳେ ଅପରୂପ ଶୋଭା
ଧରେ ଆମ ଗାଁ ଭୂଇଁ।
ଚଷା ପୁଅ ମନ ଭାରି ହରଷିତ
ନିରେଖି ସବୁଜ କ୍ଷେତ
ମନେ ହୁଏ ଅବା! ଦିବସ ରଜନୀ
ଉଡାଉଛି ନୀଳ ନେତ।
ସରୋବର ଜଳେ ନିପତିତ
ସେହି ସ୍ଵର୍ଣ୍ଣିମ ସୂର୍ଯ୍ୟ କିରଣ
ପ୍ରତିବିମ୍ବ ହୁଏ ସହସ୍ର ବର୍ଣ୍ଣାଳୀ
ଆନଂଦ ହୁଅଇ ମନ।
ତଟିନୀ ଓ ସର ସ୍ଵଚ୍ଛ କରି ଧୀର
ପ୍ରବାହିତ ନୀର କୋଳେ
ଅଗଣିତ ମୀନ ନିର୍ଭୟ ମନ
ଖେଳନ୍ତି ମାନସ ଭୋଳେ।
ସବୁଠୁ ନିଆରା ଶରତ ସକାଳ
ସର୍ବ ସ ଉନ୍ଦର୍ଯ୍ୟ ଧରି
ସତେ ବା! ପ୍ରକୃତି ପିନ୍ଧି ନବ ଭୂଷା
ଆସିଅଛି ଅବତରି।
ପରିବର୍ତ୍ତ ଋତୁ ସର୍ଜନାର ହେତୁ
ନବ ନବ ରୂପ ଘେନି
ବଦଳାଏ ବେଶ ହେଲେ ଏକ ଶେଷ
ଆମୋଦ କରେ ଧରଣୀ।
ପ୍ରଭାବିତ କରେ ଜନ ମାନସ କୁ
ଶରତ ଶୁଭ୍ର ପ୍ରଭାତ
ଭାଦ୍ର ଓ ଆଶ୍ଵିନ ଧରି ଦୁଇ ମାସ
କରେ ଜଗତ ର ହିତ।
ମୁକୁନ୍ଦ ପୁର, ଆସ୍କା, ଗଞ୍ଜାମ
