ଆଉ ଫେରିବୁନି
ଚାଲିଗଲୁ କେଉଁ ଅଫେରା ରାଇଜେ
ଆଉ ଫେରିବୁନି ଜାଣେ
ଝୁରୁଛି ଝୁରିବି ବଞ୍ଚି ଥିବାଯାଏ
ଲୁହ ଭରି ଆଖି କୋଣେ
ଅନ୍ଧର ଲଉଡି ଥିଲୁ ଆଶାବାଡି
ଚାଲିଗଲୁ ପରକରି
ଅଭୀମାନ ରଖି ହିନୀମାନ କଲୁ
ମାଆକୁ ବୁଝି ନପାରି
ଜାଣିଛି ବୁଝିଛି ଆଉ ଫେରିବୁନି
ଅଫେରା ପଥରେ ଗଲୁ
ସାରାଜୀବନ ମୋତେ ତୁ କନ୍ଦେଇ
ଦୋଷିଟେ ସଜେଇଦେଲୁ
ତୋର ସେହି ମୁହଁ ମା’ତେ ମା’ତେ ଡାକ
ଆଜିବି ଯାଉଛି ଶୁବି
କେମିତି ଭୁଲିବି ଜନ୍ମ ଦେଇଥିଲି
ତୁ ଥିଲୁ ମୋ ଦେହଛବି
ଭାବିଦେଲେ ଥରେ ଲୁହଧାର ଝରେ
ଫେରିଆ ରେ ଶୁକ ମୋର
ଚାହିଁଚି ତୋ ମାଆ ଥରେ ଶୁଣିବାକୁ
ମାଆ ଡାକ ଯେ ତୋହର
ଆଖିମୋ ଦେଖୁଛି ନିତୀକେତେ ପୁଅ
ତୋପରି କେହି ଦିଶେନି
ତୋ ବିନା ସଂସାର ଲାଗୁଛି ଅସାର
ଦୁଃଖ ମୋର ଧନ ସରୁନି
ଯେଣେଗଲୁ ତୁ ‘ରେ ନେଇଯା ସାଥୀରେ
ଦୁଃଖୀନି ମାଆକୁ ତୋର
ଦୁଇବର୍ଷ ପୁରି ଗଲା ତୋହବିନା
ଆଜିଏ ଘାଣ୍ଟ ଦିନର
ସକାଳ ଦଶଟା କାଳଘେନିଘଲା
କୋଳମୋର ଶୁନ୍ୟ କରି
ଏକାକରି ମୋତେ ହଜିଗଲୁଧନ
ଆଉ ଆସିଲୁନି ଫେରି!!
ଆଉ ଆସିଲୁନି ଫେରି
ନିରୁପମା ପାଣି
ଚାନ୍ଦବାଲି
