ହଜିଲା ଦରବ

             ଭାଗ:–୧୧

   ଦିଲ୍ଲୀପ କୁମାର ନନ୍ଦୀ

ଗୋବର ଛୁଞ୍ଚ ତ ଦୁଆରେ ଦିଶୁନି

ଝାଡ଼ୁ ଶଵଦ ଶୁଭୁନି

ଫୁଲ ନୈବେଦ୍ୟକୁ ପଚାରୁଛି କିଏ

ଦୀପ ତ ଘରେ ଜଳୁନି।୧।

କଂସା ଥାଳି ଖୁରି ଗଲାଣି ବଦଳି

ଷ୍ଟିଲ ପ୍ଲାଷ୍ଟିକ ଖଲି

ହଜି ତ ଗଲାଣି କଦଳୀ ପତର

କାଗଜରେ ଭରା ବାଲି।୨।

କଠଉ ତ ବନ୍ଧୁ ସମାଧି ନେଲାଣି

ଛତା ବୁଡ଼ି ଆସିଲାଣି

ତାମ୍ବୁଳ ବଟୁଆ ଅଦୃଶ୍ୟ ହେଲାଣି

ଗୁଣ୍ଡିନଳି ହଜିଲାଣି।୩।

କଟିର କରାଟ ଶୁନ୍ୟ ଶୁନ୍ୟ ବନ୍ଧୁ

ଚିତାକୁଟା ଉଠିଲାଣି

ଗୁଆ ଘିଅକୁ ତ ପଚାରୁଛି କିଏ

ପାଉଚ୍ ରେ ରିଫାଇନ।୪।

କାଏମା, ଧର୍ମଶାଳା, ଯାଜପୁର