ପାପଡାହାଣ୍ଡି,30/9, ମନିସ — ଶିକ୍ଷୟତ୍ରୀଙ୍କୁ ଅବସର କାଳୀନ ବିଦାୟ ବେଳେ କାନ୍ଦ ବୋବାଳିରେ ଫାଟି ପଡିଲା ଗାଁ ଦାଣ୍ଡ | ପିଲାରୁ ବୁଢ଼ା ସମସ୍ତଙ୍କ ଆଖିରେ ଝରିଗଲା ଲୁହ | ଦୀର୍ଘ 9 ବର୍ଷ ଧରି ଶିକ୍ଷୟତ୍ରୀ ଙ୍କ ଠାରୁ ସ୍ନେହ ମମତା ପାଇଥିବା ଗ୍ରାମବାସି ଛାଡିବାକୁ ଥିଲେ ନାରାଜ | ହେଲେ ସରକାରି ନିୟମକୁ କି ଅବା ନ ମାନିବ ଶେଷରେ କାନ୍ଦି କାନ୍ଦି ବିଦାୟ ନେଲେ ଶିକ୍ଷୟତ୍ରୀ |
ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ପଣ୍ଡିକୋଟ ପଂଚାୟତ ବାଙ୍କସର୍ଗି ଗ୍ରାମରେ ଶୁକ୍ରବାର ଏପରି ଏକ ଘଟଣା ଦେଖିବାକୁ ମିଳିଛି | ନିଜର ପ୍ରିୟ ଶିକ୍ଷୟତ୍ରୀ ବନଲତା କରଙ୍କୁ ବିଦାୟ ଦେଲା ବେଳେ ଭାଙ୍ଗି ପଡ଼ିଥିଲେ ଛାତ୍ରୀ ଛାତ୍ର ସହ ଅଭିଭାବକ | ଗତ 2013 ରୁ ସେ ବାଙ୍କସର୍ଗି ପ୍ରାଥମିକ ବିଦ୍ୟାଳୟରେ କାର୍ଯ୍ୟରତ ଥିଲେ | କାର୍ଯ୍ୟରତ ସମୟରେ ତାଙ୍କର ସ୍ନେହ ଓ ଶ୍ରଦ୍ଧାରେ ବାନ୍ଧି ହୋଇଯାଇଥିଲେ ଛାତ୍ରୀ ଛାତ୍ର | ସେ କେବେବି କାହାକୁ ବାଡାଉନଥିଲେ | 
ପିଲାଙ୍କୁ ଭଲ ପାଠ ପଠାଇବା ସହ ଅଭିଭାବକଙ୍କୁ ଭଲ ବ୍ୟବହାର ଦେଉଥିଲେ | ବିଦାୟ ନେବା ସମୟରେ ସମସ୍ତ ଛାତ୍ରୀ ଛାତ୍ର ଓ ଅଭିଭାବକ କାନ୍ଦି ପକାଇ ଥିଲେ | ଏକ ବିରାଟ ଶୋଭାଯାତ୍ରାରେ ଶିକ୍ଷୟତ୍ରୀ ଙ୍କୁ ବିଦ୍ୟାଳୟରୁ ପାଛୋଟି ଗ୍ରାମ ପରିକ୍ରମା କରାଯାଇଥିଲା | ଶିକ୍ଷୟତ୍ରୀ ଙ୍କ ଅବସର ଜୀବନ ସୁଖ ମୟ ଲାଗି ପ୍ରାର୍ଥନା କରାଯାଇଥିଲା | ଗାଁ ମୁଣ୍ଡରେ ପହଂଚିବା ପରେ ସମସ୍ତେ ମିଶି ବିଦାୟ ଦେଇଥିଲେ |
ପାପଡାହାଣ୍ଡି ରୁ ସ୍ବପ୍ନଜିତ ପଟନାୟକ ଙ୍କ ରିପୋର୍ଟ
