ଧନ୍ୟ ହେ ମହାତ୍ମା

            (ରାଗ – ଶଙ୍କରାଭରଣ)

କବି ସୌରଭ ବୈଜୟନ୍ତୀ ମାଳା ମହାପାତ୍ର

ଧନ୍ୟ ହେ ମହାତ୍ମା ତୁମେ ଧନ୍ୟ ତୁମ କୀର୍ତ୍ତି

ଧନ୍ୟ କାର୍ଯ୍ୟକଳାପ ହେ ମନେ ପଡ଼ ନିତି

ଧନ୍ୟ ହେ ଜାତିର ପିତା,

ଧନ୍ୟ ହେଲ ଧରା ଧାମେ ହେ ଜଗତଜିତା ll୧ ll

ଅହିଂସା ବଳରେ ତୁମେ କିଣିଲ ହୃଦୟ

ପରାଧୀନ ଭାରତକୁ କରାଇ ବିଜୟ

ବିଦେଶୀ ମାନେ ଡରିଲେ,

ତୁମେ ଜିତି ଗଲେ ବାପୁ ସିଏ ହାରିଗଲେ ll୨ll

ସ୍ୱାଧୀନତା ସଂଗ୍ରାମର ହେ ମୁଖ୍ୟ ପୁରୋଧା

ଅସହଯୋଗ ଯୁଦ୍ଧର ତୁମେ ମହା ଯୋଦ୍ଧା

ତୁମ ଅହିଂସା ନୀତିକୁ,

କୋଟି ପ୍ରଣାମ ଜଣାଏ ମନ ଜିତିବାକୁ ll୩ ll

ସତ୍ୟାଗ୍ରହ ବେଳେ ବାପୁ ନିଷ୍ଠାର ସହିତ

କେତେ କଷ୍ଟ ସହି ନାହଁ ଦେଖିଛି ଭାରତ

ଧନ୍ୟ ତୁମେ ହେ ମହାତ୍ମା ,

ତୁମ ପାଇଁ ଆମେ ସବୁ ହେଉଛୁ ଶକତା ll

କେତେ କୁସଂସ୍କାର ସବୁ ଦୂର କରିଥିଲ

ନାରୀ ଜାଗରଣ କରି ଆଗରେ ରଖିଲ

ଛୁଆଁ ଅଛୁଆଁ ଭାବକୁ,

ଦୂର କରି ଥିଲ ବାପୁ ଧରି ଏକତାକୁ ll୫ll

ଧନ୍ୟ ତୁମ କୀର୍ତ୍ତି ରାଜି ଧନ୍ୟ ହେ ଜୀବନ

ସ୍ୱଚ୍ଛ ଦେଶ ଗଢିବାରେ ବଳାଇଲ ମନ

ତୁମ ପଥ ଅନୁସରି,

ଚାଲୁଛି ଚାଲିବ ଆମ ଜୀବନ ସବୁରି ll୬ll

ଫୁଲବାଣୀ, କନ୍ଧମାଳ