ଗାନ୍ଧୀ
ଚନ୍ଦ୍ରକଳା ଦେବୀ
ଅହିଂସା ପୂଜାରୀ ଦରିଦ୍ରର ବନ୍ଧୁ
ଜାତିର ତୁମେ ଜନକ,
ଅଠର ଶ’ ଅଣସ୍ତରୀ ଅକ୍ଟୋବର
ଜନମ ଦୁଇ ତାରିଖ ||
ଗୁଜୁରାଟ ନିକଟ ପୋର ବନ୍ଦରେ
ଜନମ ବଣିକ ଘରେ,
କାବା ଗାନ୍ଧୀ ଆଉ ପୁତୁଳି ବାଇଙ୍କ
ଖୁସି କହିଲେ ନସରେ ||
ଦୁଇଟି ନାଟକ ଦ୍ୱାରା ପ୍ରଭାବିତ
ହୋଇଥିଲ କର୍ମ ବୀର,
ପିତୃ ମାତୃ ଭକ୍ତ ଶ୍ରବଣ କୁମାର,
ଦାନବୀର ହରିଶ୍ଚନ୍ଦ୍ର ||
କହିବା ଆଗରୁ କରି ଦେଖାଇବା
ନିତି ଯେ ଥିଲା ତୁମର,
ତିନି ମାଙ୍କଡ଼ଙ୍କ ପ୍ରତିମୂର୍ତ୍ତି କହେ
ଭଲ କାମ ତୁମେ କର ||
ଇଂରେଜ ଶାସନେ ଅତିଷ୍ଠ ଏଦେଶ
ଦେଶବାସୀ ହନ୍ତସନ୍ତ,
ମୁଖ୍ୟ ପୁରୋଧା ସାଜିଣ କଲ ଯେ
ଫିରିଙ୍ଗି ଶାସନ ଅନ୍ତ ||
କେତେ କାରାଦଣ୍ଡ ପୁଣି ଲାଠି ମାଡ
ତଥାପି ଡରି ନ ଥିଲ,
ପଣଥିଲା ତୁମ ବିଦେଶୀ ଶାସନ
ହଟାଇବ ଭାରତର ||
ଏକତାର ମ6ନ୍ତ୍ର ସମଗ୍ର ଦେଶକୁ
କରିଥିଲ ତୁମେ ଏକ,
ମାଆକୁ ସମ୍ମାନ, ଗାଆଁ ପାଇଁ କାମ
ସପନ ଜୀବନ ଯାକ ||
ବିଦେଶୀ ବର୍ଜନ ସ୍ବଦେଶୀ ଗ୍ରହଣ
କାଟି ଖାଅ କୁଟି ପିନ୍ଧ,
କର ଅବା ମର ନୀତି ଯେ ତୁମର
ଦୂର କରେ ଜାତିଭେଦ ||
ସମୟାନୁବର୍ତ୍ତିତାର ଅନୁବର୍ତ୍ତି
ଅଣ୍ଟାରେ ଘଣ୍ଟା ଖୋସିଣ,
ଏକ ହସ୍ତେଗୀତା ଆନ ହସ୍ତେବାଡ଼ି
ରାମ ନାମେ ସଦା ଧ୍ୟାନ ||
ଅତୀବ ସରଳ ଜୀବନ ଯାପନ
ଥିଲା ଯେ ପୁଣି ତୁମର,
ଆଣ୍ଠୁ ଲୁଚୁ ନଥିବା ଧୋତି ସଙ୍ଗତେ
କାନ୍ଧେ ଗାମୁଛା ତୁମର ||
ରାମ ରାଇଜର ପ୍ରତିଷ୍ଠା ନିମନ୍ତେ
ତୁମେ ପୁଣି ଫେରିଆସ,
ଅହିଂସାର ମା6ର୍ଗ ସ୍ବପ୍ନର ଭାରତ
ପୂରଣ ହୋଇବ ନିଶ୍ଚେ ||
ଆଜିର ସମାଜେ ଅନ୍ୟାୟ ଅନୀତି
ପରିପୂର୍ଣ୍ଣ ହିଂସା ଦ୍ୱେଷ,
ସତ୍ୟ ଅହିଂସାରେ ମାର୍ଗରେ ଯିବାକୁ
ଲାଗୁଛି ପୁଣି ଯେ ବିଷ ||
ଏ ସଭ୍ୟ ସମାଜ ଆଜି ପଥ ଭ୍ରଷ୍ଟ
ଯାଅଇ ଅହିଂସା ଭୁଲି,
ଚାରିଆଡେ ଖାଲି ହିଂସାତ୍ମ୍କକ ଭାବ
ସ୍ୱାର୍ଥରେ ରହିଛି ଭରି ||
ଶୋଷଣ କଷଣ ଧର୍ଷଣ ଲୁଣ୍ଠନ
ହେଉଅଛି ପ୍ରତିଦିନ,
ଆତଙ୍କର ଭୟ ସର୍ବତ୍ର ରହିଛି
ଭୟଭୀତ ଆଜି ମନ ||
କୋଟି ଓଡ଼ିଆଙ୍କ ମଉଡମଣୀ ହେ
ଦୀନ ଦରିଦ୍ରଙ୍କ ବନ୍ଧୁ,
ତ୍ୟାଗୀ ଦେଶପ୍ରେମୀ ଅହିଂସା ସାଧକ
ସତ୍ୟ ଶାନ୍ତି ମୈତ୍ରୀ ସିନ୍ଧୁ ||
ତଵ ଜନ୍ମଦିନେ ହେ ଅମର ଆତ୍ମା
ତୁମ ସ୍ମୃତି ଜାଗରିତ,
ଝୁରେ ଏଇ ମାଟି ଗଗନ ପବନ
ଝୁରୁଅଛି ଏ ଭାରତ ||
ହେ ମହାନାୟକ ଜାତିର ଜନକ
ତୁମ ଶ୍ରାଦ୍ଧ ବାର୍ଷିକରେ
ଘେନ ଶ୍ରଦ୍ଧାଞ୍ଜଳୀ ହେ ଅମର ଆତ୍ମା
ସମ6ର୍ପ ଶ୍ରଦ୍ଧା ଭକ୍ତିରେ ||
ସ୍ୱଚ୍ଛ ଭାରତ ଓ ସୁସ୍ଥ ପରିବେଶ
ଅଧୁରା ସ୍ବପ୍ନ ପୂରଣ,
ଆଉ ଥରେ ଆସ ଏ ଧରା ଧାମକୁ
ମୋର ଏହି ନିବେଦନ ||
କୋରାପୁଟ
