ଫେରିଆସ ବାପୁ ତମେ

ଫେରିଆସ ବାପୁ ତମେ

ଅନେଇ ବସିଛି ତମ ପାଇଁ ଏମାଟି

ତମେ ପରା ଆମ ପାଇଁ ଅହିଂସାର ପୂଜାରି

ସତ୍ୟ, ଧର୍ମ ନ୍ୟାୟର ପ୍ରତୀକ।

ଯେବେଠାରୁ ବାପୁ ଗଲଣୀ ଚାଲି

ସେବେଠାରୁ ଏ ଦେଶ ଗଲାଣି ଭୂଷୁଡି

ସତ୍ୟତା , ମାନବିକତା ଗଲେଣି ଭୂଲି

ମିଥ୍ୟାର ଆଶ୍ରୟ ନେଇ ଦମ୍ଭରେ ଠିଆ ହୁଅଇ।

ଆଜି କାହିଁକି ମନେପଡେ

 ତମରି ସେହି ସ୍ୱତନ୍ତ୍ର ଦିବସ 

ହସହସ ମୁଖର ଚିତ୍ର

ତୁମରି ଆଦର୍ଶ ନେଇ ବଞ୍ଚିବାର ରାହା

ବଦଳେଇ ଦିଏ ଜୀବନର ମୋଡ଼।

ଫେରିଆସ ବାପୁ ତମେ ନୂଆ ଅବତାର ନେଇ

ଆଜି ଦେଶ ଯାଉଛି ବିଗିଡି

ସମସ୍ତେ ଏଠି ସିଂହ ପରି ଗର୍ଜନ କରନ୍ତି

କଥାକଥାକେ ହାତ ହତିଆର ଦେଖାନ୍ତି।

ଡ଼ାକ୍ତରଖାନାରେ ନା ରୋଗୀ ସୁରକ୍ଷିତ

ନା ବୃଦ୍ଧା କାଳେ ଘରେ ବାପ ମାଆ ସୁରକ୍ଷିତ

ଯୁଆଡ଼େ ଦେଖ ସିଆଡେ ଖାଲି ବିଶୃଙ୍ଖଳିତ

ପ୍ରତିବାଦ କଲେ ଲାଠି ପାହାର ।

ଅର୍ଥ ପାଇଁ ଏଠି ମଣିଷ ଏତେ ବଦଳିଯାଆନ୍ତି

ଯଉଠି ଅର୍ଥ ସେଇଠି ମାନବ

ଧରଣୀ ମାଆ ଆଜି କାନ୍ଦୁଛି ଛାତି ଫଟେଇ

ପ୍ରତିବାଦ କରିବାକୁ କେହି ତା ପାଖରେ ନାହିଁ।

ଫେରିଆସ ବାପୁ ତମେ କେଉଁ ଏକ ମାତୃକୋଳକୁ

ଦମନ କର ଅତ୍ୟାଚାର ଆଉ ଭଷ୍ଟାଚାରଙ୍କୁ

ହସିଦିଅ ପୁଣି ଥରେ ତୁମରି ଦେଶ

ଜାତିର ପିତା ରୂପେ ପାଉଥାଅ ପୂଜା।

ମାମି ପାତ୍ର

ତିହିଡି ଭଦ୍ରକ