ଜୟ ମା ଦୁର୍ଗା

ମାନଗୋବିନ୍ଦ ସ୍ବାଇଁ

ଆଜି ଦୁର୍ଗା ପୂଜା ମଣ୍ଡପ ଉପରେ

   ମା ମୂର୍ତ୍ତୀ ହୋଇ ସଜା

ଧୂପ ଦୀପ ଫୁଲ ଦେଇ ମନ୍ତ୍ର ପାଠ

    ହୁଳହୁଳି ଢୋଲ ବାଜା।

ସରବ ମନରେ ମାଆଙ୍କୁ ସ୍ମରଣ

     ଦୟାମୟୀ ଶାନ୍ତି ମାଆ

ବିପଦ ଆପଦେ ଠିଆ ହେଉ ଥିବୁ

   ଦେଉ ଥିବୁ ଜନ ସାହା।

ଦୁଃଖକୁ ନାଶନ ସୁଖକୁ ପ୍ରଦାନ

    ହସଦିଅ ଅନ୍ତେ ଭରି

ପ୍ରଫୁଲ୍ଲ କରିଦେ ଆନନ୍ଦ ଭରିଦେ

   ମୋ ଜୀବନ କାନ୍ତ ହରି।

ମୃଦଙ୍ଗ ବାଜୁଛି କାହାଳୀ ବାଜୁଛି

   ଶୁଭୁ ଅଛି ମା’ ର ତାଳି

ଜୟ ଧ୍ବନି ଶଦ୍ଦ ପ୍ରକଂପିତ ହୁଏ

       ପଡୁ ଅଛି ହୁଳହୁଳି।

ମା’ ଙ୍କ ଆଶିର୍ବାଦ ସଭିଙ୍କୁ ମିଳୁଛି

    ଶୁଦ୍ଧ ହୁଏ ଆମ ଦିନ

ଦର୍ଶନ କରିଲେ ମୁଖ୍ୟ ହେବି ବୋଲି

   ଲଗାଇଛି ମା’ ଚନ୍ଦନ।

ମାଆଙ୍କ ପ୍ରସାଦ ତୁଣ୍ଡେ ପାଇ ଗଲେ

    ପବିତ୍ର ହୁଏ ଜୀବନ

ଚନ୍ଦନ ବାସନା ମହକ ଦେଉଛି

    ମା’ ଦିଅ ଭକ୍ତି ଦର୍ଶନ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା