କର୍ଲାମୁଣ୍ଡା: ଏକଲ୍ ଅଭିଯାନ ଦ୍ୱାରା ଆୟୋଜିତ ରାଜ୍ୟ ସ୍ତରୀୟ ଖେଳକୁଦ ପ୍ରତିଯୋଗିତା ଅନୁଗୋଳ ଜିଲ୍ଲାର ନାଲକୋ ନଗରରେ ଅନୁଷ୍ଠିତ ହୋଇଯାଇଛି l ଏଥିରେ କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ ଅନ୍ତର୍ଗତ ସୁରୁଜୁଲି ଗ୍ରାମର ସୁଶ୍ରୀ ହରିପ୍ରୀୟା ରଣା ଉଚ୍ଚଡିଆଁ (ବାଲ୍ ବିଭାଗ)ରେ ପ୍ରଥମ ସ୍ଥାନ ହାସଲ କରି କର୍ଲାମୁଣ୍ଡା ବ୍ଲକ୍ ପାଇଁ ଗୌରବ ଆଣିଛନ୍ତି l ସେ ସୁରୁଜୁଲି ଗ୍ରାମର ରାଜପତି ରଣା ଓ ରଶ୍ମିତା ରଣାଙ୍କ ଦ୍ବିତୀୟ କନ୍ୟା l ବର୍ତ୍ତମାନ ସେ ସୁରୁଜୁଲି ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟର ସପ୍ତମ ଶ୍ରେଣୀ ଛାତ୍ରୀ ଅଟନ୍ତି l
ଖେଳ ପ୍ରତି ତାଙ୍କ ଆଗ୍ରହ ଯୋଗୁଁ ଆଜି ରାଜ୍ୟସ୍ତରରେ ପ୍ରଥମ ହୋଇଥିବା ଜାଣି ତାଙ୍କ ମାତା ପିତା ବହୁତ ଖୁସି ଅଛନ୍ତି l ପ୍ରଥମେ ବ୍ଲକ୍ ଓ ପରେ ଜିଲ୍ଲା ସ୍ତରରେ ଦୌଡ଼ ଓ ଉଚ୍ଚଡିଆଁ ରେ ପ୍ରଥମ ସ୍ଥାନ ହାସଲ କରିଥିଲେ l ଅନୁଗୋଳ ଜିଲ୍ଲାର ନାଲକୋ ନଗରରେ ହୋଇଥିବା ରାଜ୍ୟ ସ୍ତରୀୟରେ ଖେଳକୁଦ୍ ର ଉଚ୍ଚଡିଆଁ ପ୍ରତିଯୋଗତାରେ ହରିପ୍ରୀୟା ପ୍ରଥମ ସ୍ଥାନ ଅଧିକାର କରିଛନ୍ତି l ଆସନ୍ତା ନଭେମ୍ବର ମାସରେ ଜାତୀୟ ସ୍ତରରେ ଖେଳିବା ପାଇଁ ଲକ୍ଷ୍ନୌ (ଉତ୍ତର ପ୍ରଦେଶ)କୁ ଯିବାକୁ ସ୍ଥିର ହୋଇଥିବା କର୍ଲାମୁଣ୍ଡା ବ୍ଲକ୍ ଏକଲ୍ ଅଭିଯାନ ର ପ୍ରମୁଖ ନିର୍ମଳ ରଣାଙ୍କ ଠାରୁ ଜଣାଯାଏ l ଏହି ଖବର ପ୍ରଚାର ହେବା ପରେ ବିଭିନ୍ନ ମହଲରୁ ଅଭିନନ୍ଦନର ସୁଅ ଛୁଟୁଛି l
କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ମସୀହା
