ଶୁଭ ଦୀପାବଳୀ
କବି ସୌରଭ ବୈଜୟନ୍ତୀ ମାଳା ମହାପାତ୍ର
ଶୁଭ ଦୀପାବଳୀ ସୁଖ ଦେଉ ଢାଳି
ଅଜ୍ଞାନତା ହେଉ ଦୂର
ସଦା ପ୍ରକାଶିତ ହେଉ ଏ ଜଗତ
ମିନତି ବିଭୁ ପୟର
ସୁଖ ,ଶାନ୍ତି ଓ ସମୃଦ୍ଧି,
ସଭିଙ୍କୁ ପ୍ରାପତ ହେଉ ଏ ଧରାରେ
ଅନ୍ତର ଢାଳେ ପ୍ରଣତି ll
କେବେ ଅସହାୟ ନ ହେଉ ହୃଦୟ
ଅନ୍ତର ବେଦନା ବହି
ସଦା ପ୍ରଫୁଳିତ ରଖୁଥାନ୍ତୁ ଚିତ୍ତ
ସଭିଙ୍କର ଭାବଗ୍ରାହୀ
ଅସଦାଚରଣ ଯେତେ,
ଜ୍ଞାନ ଆଲୋକରେ ପୂର୍ଣ୍ଣ ସଦାଚାରେ
ବଦଳାଇଦ୍ୟନ୍ତୁ ସତେ !!
ସରଗର ଶିରୀ ଭାଗ୍ୟରେ ସବୁରି
ଢ଼ାଳି ସେହି ନିରାକାର
ଗୁଣରେ ସ୍ୱର୍ଗୀୟ କରି ମଧୁମୟ
ନେଇଯାନ୍ତୁ ଅହଂକାର
ଶୁଭ ଦୀପାବଳୀ ଜାଳି,
ଶୁଭ ଭାବନାରେ ଭକତି ଅନ୍ତରେ
ଜଣାଉଛି ବନମାଳି ll
ଜୟ ଶ୍ରୀ ଜଗନ୍ନାଥ ମହାପ୍ରଭୁ
ଫୁଲବାଣୀ, କନ୍ଧମାଳ
