କୋକସରା,୨୭/୧୦- ( ମ ନି ସ) କଳାହାଣ୍ଡି ଜିଲ୍ଲା କୋକସରା ବ୍ଲକ ସରପଞ୍ଚ ସଂଘ ପକ୍ଷରୁ ଦିଲ୍ଲୀରୁ ଜାତୀୟ ତ୍ରିସ୍ତରୀୟ ପଂଚାୟତ କର୍ମଶାଳାରୁ ଯୋଗଦେଇ ଫେରିଥିବା ଲଡୁଗାଁ ସରପଞ୍ଚ ନକୁଳ ନାଏକଙ୍କୁ ସ୍ୱାଗତ ଓ ସମ୍ବର୍ଦ୍ଧନା ଦିଆଯାଇଛି । ବୁଧବାର ମହିମା ପଞ୍ଚାୟତ ମହାଭାରତ ପଡିଆରେ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଥିଲା । କୋକସରା ସରପଞ୍ଚ ସଙ୍ଘ ସଭାପତି ନକୁଳ ନାଏକ ଗତ ୧୯/୨୦ ତାରିଖରେ ଦିଲ୍ଲୀରେ ଅନୁଷ୍ଠିତ ଜାତୀୟ ପଂଚାୟତ ପରିଚାଳନା କର୍ମଶାଳା ରେ ଯୋଗଦେଇ ଫେରିଥିବା ବେଳେ ବୁଧବାର କୋକସରା ବ୍ଲକର ୨୨ ପଞ୍ଚାୟତ ସରପଞ୍ଚ ସଙ୍ଘ ପକ୍ଷରୁ ସ୍ୱାଗତ ସମ୍ବର୍ଦ୍ଧନା ଦିଆଯାଇଛି। 
ଏହି ଅବସରରେ ଲଡୁଗାଁ ସରପଞ୍ଚଙ୍କୁ ସ୍ୱାଗତ ସମ୍ବର୍ଦ୍ଧନା ଦେଇ କୋକସରା ବ୍ଲକ ପାଇଁ ଏହା ଏକ ଗର୍ଵ ଓ ଗୋୖରବ ବୋଲି ଉପସ୍ଥିତ ସରପଞ୍ଚ ଓ ପ୍ରତିନିଧି ମାନେ ମତ ଦେଇଥିଲେ। ସରପଞ୍ଚ ସଙ୍ଘର ଟେମରା ସରପଞ୍ଚ କ୍ଷିତିରାମ ପାତ୍ର, ମୂଷାପାଳି ସରପଞ୍ଚ ଅକ୍ଷୟ ନାଏକ, ମହିମା ସରପଞ୍ଚ ଇଶରାମ କୋଲଥିଆ, ଗମ୍ଭାରୀଗୁଡା ଇଶରାମ ସୁନାନୀ, କାଉଡୋଳା ସରପଞ୍ଚ ଦେବୀସିଂ ତାଣ୍ଡି, କନ୍ଦାବୁଟ୍ରା ସରପଞ୍ଚ କୁରୁକ୍ଷେତ୍ର ବେହେରା, ଡାଲଗୁମା ସରପଞ୍ଚ ଯୋଗୀନ୍ଦ୍ର ପଟ୍ଟନାୟକ , ଆମପାଣି ସରପଞ୍ଚ ପ୍ରତିନିଧି ମନୋରଞ୍ଜନ ବାଣୁଆ, କାଶିବାହଲ ସରପଞ୍ଚ ପ୍ରତିନିଧି ରୁଦ୍ର ପ୍ରସାଦ ନାଏକ, ମୋଟେର ସରପଞ୍ଚ ପ୍ରତିନିଧି ବିଜୁ ନାଏକ, ଖୁଣ୍ଟିଆ ସରପଞ୍ଚ ପ୍ରତିନିଧି ଟଂକଧର ଧରୁଆ ,ବରାଡଙ୍ଗା ସରପଞ୍ଚ ପ୍ରତିନିଧି ଟିକଚନ ସେଠି ଉପସ୍ଥିତ ରହି ସମ୍ବର୍ଦ୍ଧନା ଜଣାଇଥିଲେ।
