ବୌଦ୍ଧ -05/12-ମହନ୍ତ ଗିରିବର ଦାସ ଙ୍କ ପ୍ରଥମ ଶ୍ରାଦ୍ଧବାର୍ଷିକୀ ଅବସରରେ 8 ଦିନ ବ୍ୟାପି ଚାଲିଥିବା ଡମ୍ବରୁଗଡ଼ ମହୋତ୍ସବ ର ଦ୍ଵିତୀୟ ସନ୍ଧ୍ୟା ରେ ଅତିଥିବୃନ୍ଦ ଡମ୍ବରୁଗଡ଼ ର ପ୍ରାକୃତିକ ଶୋଭା ର ଅପରୂପ ଭଣ୍ଡାର ବୋଲି ମତବ୍ୟକ୍ତ କରିଥିଲେ l ଏହି ଉପଲକ୍ଷେ ଆୟୋଜିତ ଦ୍ଵିତୀୟ ସନ୍ଧ୍ୟା ର ସାଂସ୍କୃତିକ ସଭାରେ କମିଟି ର ସଭାପତି ପୟୋଧର ମହାକୁଳ ଙ୍କ ଅଧ୍ୟକ୍ଷତା ରେ ଅଧ୍ୟାପକ ଉତ୍ତମ କୁମାର ବେହେରା ଅତିଥି ପରିଚୟ ପ୍ରଦାନ ସହ ମଞ୍ଚ ପରିଚାଳନା କରିଥିଲେ l ମୁଖ୍ୟ ଅତିଥି ରୂପେ ମଠ ର ମହନ୍ତ ସର୍ବେଶ୍ୱର ଦାସ ମହାରାଜ ଯୋଗ ଦେଇ ଅଗ୍ର ପୂଜ୍ୟ ଶ୍ରୀ ଗଣେଶ ଓ ମଠ ର ପ୍ରାକ୍ତନ ମହନ୍ତ ସାଧୁ ସ୍ବର୍ଗତ ଗିରିବର ଦାସ ଙ୍କ ପ୍ରତିମୂର୍ତ୍ତି ରେ ଫୁଲ, ଧୂପ ଓ ନୈବେଦ୍ୟ ଅର୍ପଣ କରିଥିଲେ l ମୁଖ୍ୟ ବକ୍ତା ରୂପେ ଶିକ୍ଷାବିତ ତଥା ଗନ୍ଧରାଢ଼ୀ ଲୋକକଲା ମହୋତ୍ସବ ର ସମ୍ପାଦକ ଶମ୍ଭୁ ଗିରି ଯୋଗଦେଇ ଡମ୍ବରୁଗଡ଼ ର ଇତିହାସ ତଥା ମଠ ର ପାରିପାର୍ଶ୍ଵିକ ଉନ୍ନତିରେ ନିଜକୁ ସାମିଲ କରି ଏହାକୁ ରାଜ୍ୟ ର ଏକ ଐତିହ୍ୟ ପର୍ଯ୍ୟଟନ କେନ୍ଦ୍ର ରୂପେ ମାନ୍ୟତା ପାଇବାକୁ ମତ ପୋଷଣ କରିଥିଲେ l
ସମ୍ମାନିତ ଅତିଥି ରୂପେ ତେଲିବନ୍ଧ ସରପଞ୍ଚ ରତ୍ନାକର ନାୟକ, ମଠ ର ସମ୍ପାଦକ ଉଗ୍ରେସନ ବେହେରା, କମ୍ପରା ଗୌନ୍ତିଆ ସଚ୍ଚିଦାନନ୍ଦ ଭୁକ୍ତା ଓ ତାଳସରଡ଼ା ସରପଞ୍ଚ ପ୍ରତିନିଧି ପ୍ରଶାନ୍ତ ସେଠି ଯୋଗ ଦେଇଥିଲେ l ବିଭିନ୍ନ ବିଦ୍ୟାଳୟ ର ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଓ ବିଭିନ୍ନ ରାମଲୀଳା ଦଳ ମାନଙ୍କ ଦ୍ୱାରା ସେମାନଙ୍କ କଳା ପ୍ରଦର୍ଶନ ମଧ୍ୟ ରାତ୍ରୀ ପର୍ଯ୍ୟନ୍ତ ଆୟୋଜନ ହୋଇଥିଲା l ଉତ୍ତମ ନାୟକ ଧନ୍ୟବାଦ ଅର୍ପଣ କରିଥିଲେ l
ବୌଦ୍ଧରୁ ଜ଼ିଲ୍ଲା ପ୍ରତିନିଧି ହୃଦାନନ୍ଦ ମେହେରଙ୍କ ରିପୋର୍ଟ ମସିହା ନିୟୁଜ
