ଜଣାଣ

ମାନଗୋବିନ୍ଦ ସ୍ବାଇଁ

ମୋ ବନ୍ଧୁ ଆସୁଛି ସନ୍ଧ୍ୟାର ବେଳରେ

     ନେବାରେ ତାଙ୍କୁ ପାଛୋଟି

ଆସନେ ବସାଇ ଧୂପ ଦୀପ ଦେଇ

     ଗାଇବା ତାଙ୍କ ଗୀତଟି।

କହିଦେବା କଥା ମନେଯେତେ ବ୍ୟଥା

        ସବୁ ତାଙ୍କ ପାଦ ତଳେ

ଗୁହାରୀ ରଖିବା ଆପତ୍ତି ଶୁଣିବେ

       ଭାବ ଦେଖ ନିଳାଞ୍ଚଳେ।

ଲହରୀ ପଦରେ ମୁକ୍ତି ପଦ ହାତେ

      ବିଚାର ମୋର ଶୁଣିବ

ବିଶ୍ବ ର ଜଞ୍ଜାଳ ବଢୁଛି ଦିନକୁ

    ବିପଦ କେବେ ସରିବ।

ମନକୁ ପ୍ରଫୁଲ୍ଲ କରି ଦିଅ ଭଲ

   ନ ଆସୁ ହିଂସା ମୋ ରାଗ

ଶକ୍ତି ଦେଇ କୁହ ଶାନ୍ତି ମୋ ଭିତରେ

    ମନ୍ତ୍ର ଜପେ ଥାଉ ଯୋଗ।

ଏ ମାନଗୋବିନ୍ଦ ଲେଖୁ ଥାଇ ପଦ

      ଦିଅ ଥରେ ଆର୍ଶୀବାଦ

ତୁମରି ଚରଣେ ଶରଣ ନେଉଛି

    ମୋ ପାଇଁ ଦିଅ ସୁସମ୍ବାଦ।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା