“ଗୋବିନ୍ଦ “

                     ଶ୍ଯାମା ପ୍ରସାଦ୍ ବୋଷ୍ 

ଗୋବିନ୍ଦ ଗୋବିନ୍ଦ ପଦୁ ମକରନ୍ଦ 

ସତେ କିବା ମଧୁ ଝରେ

ସେହି ମକରନ୍ଦ ପାନରେ ଆନନ୍ଦ 

ସୁଧା ରସ ସମ ଭରେ । 

ଗୋବିନ୍ଦ ନାମରେ ଏ ମାୟା ସଂସାରେ 

ପାପ ତାପ ପାରି କରେ 

ଗୋବିନ୍ଦ ନାମରେ ଭାବ ବିଶ୍ବାସରେ  

ଦୁଃଖ ଶୋକ ସବୁ ହରେ । 

ଗୋବିନ୍ଦ ର ମାୟା ସଂସାର ଟା ବାୟା 

ଗୋବିନ୍ଦ ଗୋବିନ୍ଦ ଭଜେ 

ଗୋବିନ୍ଦ ଭାବରେ ଭାବ ଭକତିରେ 

ଗୋବିନ୍ଦ ନାମ ରେ ହଜେ । 

ଗୋବିନ୍ଦ ର ଛନ୍ଦା ଚରଣରେ ବନ୍ଧା 

ଭକ୍ତ ପ୍ରାଣ ସଦା ମଜ୍ଜେ 

ଗୋବିନ୍ଦ ର ଫନ୍ଦା ଭୁଲି କାମ ଧନ୍ଦା 

ଗୋବିନ୍ଦ ପ୍ରେମରେ ହଜେ । 

ଗୋବିନ୍ଦ ର ନାମ ଗୁଣ କୀର୍ତ୍ତନ ରେ 

କି ମାୟା ଭରିଛି ସତେ 

ସେ ମାୟା ରେ ପଡି ଭକତିରେ ଗଡି 

ଗୋବିନ୍ଦ କୁ ଡାକେ କେତେ । 

ଗୋବିନ୍ଦ ର ନାମ ସୁଧା ରସ ସମ 

ପାନ କରେ ଯିଏ ଜାଣେ 

ଗୋବିନ୍ଦ ଗୋବିନ୍ଦ ପଦୁ ମକରନ୍ଦ 

ଗୋବିନ୍ଦ ନିକଟେ ଟାଣେ । 

ଗୋବିନ୍ଦ ଭଜିଲେ ତା ନାମେ ହଜିଲେ

ଭାବ ଭକତିରେ ରହି 

ଗୋବିନ୍ଦ ନିଶ୍ଚୟ ହୋଇବେ ସଦୟ 

ଆପଣାର ଭାବ ବହି । 

ଶ୍ଯାମା ପ୍ରସାଦ୍ ବୋଷ୍ 

ଗ୍ରାମ :- ବେଗୁନିଁଆ , ମଲ୍ଲୀକ୍ ସାହି 

ପୋଷ୍ଟ :- ଗୋପ୍ , ଜିଲ୍ଲା :- ପୁରୀ