ଗୋଳାମୁଣ୍ଡା/୨୭/୧୨/ମସିହା ନିଉଜ୍,// କଳାହାଣ୍ଡି ଜିଲ୍ଲା ଗୋଳାମୁଣ୍ଡା ତହସିଲ ଅଧୀନରେ ଥିବା ଦଶପୁର ଓ ବୋରଗୁଡା ରାଜସ୍ୱ ନିରୀକ୍ଷକଙ୍କ ନୂତନ ଗୃହ ନିର୍ମାଣ କାର୍ଯ୍ୟ ମନ୍ଥର ଗତିରେ ଚାଲୁଥିବା ଅଭିଯୋଗ ହେଉଛି । ଗୋଳାମୁଣ୍ଡା ଅଧୀନରେ ତିନୋଟି ରାଜସ୍ୱ ନିରୀକ୍ଷକଙ୍କ କାର୍ଯ୍ୟାଳୟର ନିର୍ମାଣ କାମ ଏକା ସାଙ୍ଗରେ ଆରମ୍ଭ ହୋଇଥିଲା । କେଗାଁ ରାଜସ୍ୱ ନିରୀକ୍ଷକଙ୍କ କାର୍ଯ୍ୟାଳୟ ନିର୍ମାଣ କାମ ସମ୍ପୂର୍ଣ୍ଣ ହୋଇଥିବା ବେଳେ ଦଶପୁର ଓ ବୋରଗୁଡାର କାର୍ଯ୍ୟାଳୟ ଗୃହ ଏପର୍ଯ୍ୟନ୍ତ ଶେଷ ହୋଇନାହିଁ । 
ଦଶପୁର କାର୍ଯ୍ୟାଳୟ ବର୍ତ୍ତମାନ ବୃନ୍ଦାବାହାଲ ଠାରେ ପାରିଚାଳିତ ହେଉଥିବା ବେଳେ ପାଞ୍ଚ କିଲୋମିଟର ଦୂରତା ଅତିକ୍ରମ କରି ଜନସାଧାରଣ ନାହିଁ ନ ଥିବା ଅସୁବିଧା ଭୋଗୁଛନ୍ତି । କାର୍ଯ୍ୟାଳୟ କାମ ବିଳମ୍ବ ଓ ଜନସାଧାରଣଙ୍କ ଅସୁବିଧାକୁ ଦୃଷ୍ଟିରେ ରଖି ସ୍ଥାନୀୟ ଅଞ୍ଚଳବାସୀଙ୍କ ମଧ୍ୟରେ ଉଦବେଗ ପ୍ରକାଶ ପାଇଛି । ଏପଟେ ବୋରଗୁଡା ରାଜସ୍ୱ ନିରୀକ୍ଷକଙ୍କ କାର୍ଯ୍ୟାଳୟ ଏକ ସ୍କୁଲ କୋଠରୀରେ ଚାଲିଛି । ଏ ପର୍ଯ୍ୟନ୍ତ ଗୃହ କାର୍ଯ୍ୟ ସମ୍ପାଦନା ହୋଇ ପାରି ନ ଥିବାରୁ ବୋରଗୁଡା ଓ ଦଶପୁର ଜନସାଧାରଣ ଅସୁବିଧାର ସମ୍ମୁଖୀନ ହେଉଛନ୍ତି । ଏ ନେଇ ବିଭାଗୀୟ ଯନ୍ତ୍ରୀ ଲକ୍ଷ୍ମଣ ଟୁଡୁଙ୍କୁ ଫୋନକଲେ ଫୋନ ଉଠାଉ ନାହାନ୍ତି । ଗ୍ରାମ୍ୟ ନିର୍ମାଣ ବିଭାଗ ଉଚ୍ଚକର୍ତ୍ତୃପକ୍ଷ ଏ ଉପରେ ଦୃଷ୍ଟି ଆକର୍ଷଣ କରି ଠିକାଦାରଙ୍କୁ ତାଗିଦ କରିବା ସହ ଶୀଘ୍ର କାମ ସମ୍ପାଦନା କରିବାକୁ ଅଞ୍ଚଳବାସୀଙ୍କ ଦାବି ହେଉଛି ।
ଗୋଳାମୁଣ୍ଡା ରୁ ରାମକୁମାର ସେନାପତିଙ୍କ ରିପୋର୍ଟ, ମସିହା
