l l l ଡିସେମ୍ବର l l l
ଶ୍ଯାମା ପ୍ରସାଦ୍ ବୋଷ୍
ଡିସେମ୍ବର ମାସ ବରଷ ର ଶେଷ
ସ୍ମୃତି ଅନୁଭୂତି ନେଇ
ସୁଖ ଦୁଃଖ ଭରା ଅତୀତ ପସରା
ଯାଉଛି ବିଦାୟ ହେଇ ।
ଡିସେମ୍ବର ସେତ କେତେ ଭୋଜିଭାତ
ଆନନ୍ଦ ଉଲ୍ଲାସ ନେଇ
ପୁରୁଣା ବର୍ଷ କୁ ବିଦାୟ ଦେଉଛି
ନୂତନେ ସ୍ବାଗତ ଦେଇ ।
ଡିସେମ୍ବର ଶୀତ ବଢଇ ବହୁତ
ଥିରି ପଦ ପାତ ନେଇ
ଆସଇ ମରତ କରଇ ସ୍ବାଗତ
ଆପଣା ପରଶ ଦେଇ ।
ଡିସେମ୍ବର ସରେ ନୂଆ ହାତ ଧରେ
ନୂଆ ଉଦ୍ଦିପନ୍ନା ପାଇ
ନୂତନ ତ୍ବ ଭରେ ବିଦାୟୀ ଆସରେ
ଆଶା ଓ ଆକାଂକ୍ଷା ଥାଇ ।
ଡିସେମ୍ବର ମାସ ତାରିଖ ପଚିଷ
ବଡ ଦିନ ଆରମ୍ଭଇ
ରାତି ଛୋଟ ହୁଏ ଦିନ ବଢୁଥାଏ
ସମୟ କୁ ଆପଣାଇ ।
ଡିସେମ୍ବର ମାସ ଉତ୍ସବ ବିଶେଷ
ଭୋଜି ର ଆସର ନେଇ
ପୁରୁଣା ବରଷେ ବିଦାୟ ପରଶେ
ଭୁଲିବାକୁ ଚାହେଁ ସେଇ ।
ଡିସେମ୍ବର ପରା କରେ ଆତ୍ମହରା
ନୂଆ ବରଷ ର ପାଇଁ
ବିଶ୍ୱାସ ରେ ଭରା ଖୁସି ଦିଏ ଧରା
ନୂତନ ଭାବନା ଧାଇଁ ।
ଶ୍ଯାମା ପ୍ରସାଦ୍ ବୋଷ୍
ଗ୍ରାମ :- ବେଗୁନିଁଆ , ମଲ୍ଲୀକ୍ ସାହି
ପୋଷ୍ଟ :- ଗୋପ୍ , ଜିଲ୍ଲା :- ପୁରୀ
