ମୟୂରଭଞ୍ଜ -୦୧/୦୧/୨୦୨୩(ମସିହା) ଅଲ୍ ଓଡିଶା ଲୟର୍ସ ଆସୋସିଏସନ୍ ର ୫୧ ତମ ଅଧିବେଶନ ଭୂଵନେଶ୍ଵରର ରେଳବାଇ ଅଡିଟୋରିୟମରେ ଅନୁଷ୍ଠିତ ହୋଇଯାଇଛି । ଏଥିରେ ମାନ୍ଯବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ମୁଖ୍ୟ ଅତିଥି ରୂପେ ଯୋଗଦେଇ ଆଇନଜୀବୀ ମାନେ ନ୍ୟାୟିକ ବ୍ୟବସ୍ଥାର ମୂଳ ଆଧାର ବୋଲି କହିବା ସହ ପିଡୀତ ଓ ନ୍ୟାୟ ପ୍ରଦାନକାରୀ ସଂସ୍ଥା ମଧ୍ୟରେ ଓକିଲମାନେ ହିଁ ସେତୁ ରୂପେ କାର୍ଯ୍ୟ କରୁଛନ୍ତି ବୋଲି କହିଥିଲେ ।ଗରୀବ ଓ ଅସହାୟ ଲୋକଙ୍କୁ କିପରି ନ୍ୟାୟ ମିଳିବ ସେଥିପାଇଁ ଯତ୍ନଶୀଳ ହେବାପାଇଁ ଓକିଲ ମାନଙ୍କୁ ପରାମର୍ଶ ଦେଇଥିଲେ ଥିଲେ । ଅଧିବେଶନ ପରେ ଦ୍ବିବାର୍ଷିକ କର୍ମକର୍ତ୍ତା ନିର୍ବାଚନ ଅନୁଷ୍ଠିତ ହୋଇଥିଲା । ଏଥିରେ ସଭାପତି ଭାବେ ଦେବେନ୍ଦ୍ର ପଟନାୟକ, ସଂପାଦକ ସଂଚିତ ପାଣିଗ୍ରାହୀ,,୬ ଜଣ ଉପସଭାପତି ନିର୍ବାଚିତ ହୋଇଛନ୍ତି ।୬ ଜଣ ଉପସଭାପତି ମଧ୍ୟରୁ ମୟୂରଭଞ୍ଜ ଜିଲ୍ଲାର ରାଇରଙ୍ଗପୁରର ବରିଷ୍ଠ ଆଇନଜୀବି ମନୋଜ ଦାସ(ମୁନା) ଲଗାତାର ୫ ମ ଥର ପାଇଁ ନିର୍ବାଚିତ ହୋଇ ଏକ ରେକର୍ଡ଼ ସୃଷ୍ଟି କରିଛନ୍ତି । ତାଙ୍କ ବିଜୟ ଖବର ଶୁଣି ରାଇରଙ୍ଗପୁର ଓକିଲ ସଂଘର ସଦସ୍ୟ,ଶୁଭେଛୁ ଏବଂ ବିଭିନ୍ନ ଅନୁଷ୍ଠାନର ସଦସ୍ୟମାନେ ଶୁଭେଚ୍ଛା ଜଣାଇଛନ୍ତି ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ
