ଲାଞ୍ଜିଗଡ଼,୦୮/୦୧( )-ତିନିଦିନ ହେଲା ଲାଞ୍ଜିଗଡ ବ୍ଲକ ଅଞ୍ଚଳରେ ପ୍ରବଳ ଶୀତ ଲହରୀ ପ୍ରବାହିତ ହେଉଥିବାରୁ ଜନଜୀବନ ଅସ୍ତବ୍ୟସ୍ତ ହୋଇ ପଡିଛନ୍ତି । ସନ୍ଧ୍ୟା ସମୟରେ ପାରଦ ୧୦ ଡିଗ୍ରୀ ସେଲସିୟସରୁ ତଳକୁ ଖସି ଆସୁଥିବାବେଳେ ପ୍ରବଳ ଥଣ୍ଡା ଯୋଗୁଁ ସକାଳ ଦଶଟା ଯାଏଁ କୌଣସି କାମରେ ବାହାରକୁ ବାହାରିବା ମୁସ୍କିଲ ହୋଇ ପଡୁଛି । ସେହିପରି ଅପରାହ୍ନରେ ଆରମ୍ଭ କରି ରାତି ତମାମ ଶୀତର ପ୍ରକୋପ ବୃଦ୍ଧି ପାଉଥିବାବେଳେ ବୃଦ୍ଧବୃଦ୍ଧା, ଦିବ୍ୟାଙ୍ଗ ତଥା ଗରିବଗୁରୁବାମାନେ ଶୀତ ଯୋଗୁଁ ହନ୍ତସନ୍ତ ହେଉଛନ୍ତି । ଅପରପକ୍ଷରେ ବ୍ଲକର ବିଭିନ୍ନ ଅଞ୍ଚଳରେ ସନ୍ଧ୍ୟା ନହେଉଣୁ ତାଟିକବାଟ ପଡିଯାଉଥିବାବେଳେ ଲାଞ୍ଜିଗଡ ଓ ଏହାର ଆଖପାଖ ଅଞ୍ଚଳରେ ପ୍ରବଳ ଶୀତ ସହିତ କାଲୁଆ ପବନ ଜନଜୀବନ ବ୍ୟତିବ୍ୟସ୍ତ କରିପକାଉଛି । ପ୍ରବଳ ଶୀତ ଲହରୀ ଆଉ କିଛିଦିନ ଜାରି ରହିବ ବୋଲି ଜଣାପଡିଛି ।
ଲାଞ୍ଜିଗଡ଼ ରୁ ସୁଶୀଲ କୁମାର ବାଗ ଙ୍କ ରିପୋର୍ଟ
