ରାଉରକେଲା/ ଉତ୍ତର ପ୍ରଦେଶ ବାରଣାସୀର ବିଏଚୟୁଆଇଆଇ ଷ୍ଟାଡିୟମ ଠାରେ ଗତ ୧୧ ତାରିଖରୁ ୧୪ତାରିଖ ପର୍ଯ୍ୟନ୍ତ ଜାତୀୟ ଖେଳ ଆୟୋଜିତ ହୋଇଯାଇଛି । ଏହି ପ୍ରତିଯୋଗିତାରେ ୭୦ବର୍ଷ ବୟସ ବର୍ଗରେ ଓଡିଶା ରାଉରକେଲା ଏନଆଇଟି ର ପ୍ରାକ୍ତନ ଛାତ୍ର ଅଶୋକ କୁମାର ବିଶ୍ବାଳ ଅଂଶଗ୍ରହଣ କରି ଦୁଇଟି ବିଭାଗରେ 
ଜାତୀୟ ରେକର୍ଡ ପ୍ରତିଷ୍ଠା କରି ସହର ତଥା ରାଜ୍ୟକୁ ଗର୍ବିତ କରିଛନ୍ତି । ଶ୍ରୀ ବିଶ୍ବାଳ ୩୦୦ମିଟର ବାଧା ଦୌଡରେ ପ୍ରଥମ ତଥା ୨୦୦ ଓ ୪୦୦ମିଟର ଦୌଡରେ ପ୍ରଥମ ସହ ଜାତୀୟ ରେକର୍ଡ ସ୍ଥାପନ କରିଛନ୍ତି ।
ସେ ୨୦୦ଶହ ମିଟର ଦୌଡକୁ ୨୯ ସେକେଣ୍ଡ ରେ ଓ ୪୦୦ ମିଟର ଦୌଡକୁ ୧ମିନିଟ୍ ୫ ସେକେଣ୍ଡ ରେ ସଂପୂର୍ଣ୍ଣ କରି ଜାତୀୟ ରେକର୍ଡ ପ୍ରତିଷ୍ଠା କରିଥିଲେ। ଏହି ପ୍ରତିଯୋଗିତାରେ ଦେଶର ବିଭିନ୍ନ ପ୍ରଦେଶରୁ ୩୭୨୦ ଜଣ ପ୍ରତିଯୋଗୀ ଅଂଶଗ୍ରହଣ କରିଥିଲେ । 
ଏହି ଖବର ରାଉରକେଲାରେ ପହଞ୍ଚିବା ପରେ ସହରର କ୍ରୀଡାପ୍ରେମୀ ଙ୍କ ମଧ୍ୟରେ ଆନନ୍ଦ ଖେଳିଯାଇଥିବା ବେଳେ ସହରର ଜଣାଶୁଣା ବଡିବିଲଡର ସତ୍ୟବ୍ରତ ଓଝା ଓ ଜାତୀୟ ବିଚାରକ ଡକ୍ଟର ହରମୋହନ ମଲ୍ଲିକ ଶ୍ରୀ ବିଶ୍ବାଳଙ୍କୁ ଅଭିନନ୍ଦନ ଜ୍ଞାପନ କରିଛନ୍ତି ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ
