କୋକସରା,୨୦ା୨- କୋକସରା ବ୍ଲକରେ ତ୍ରିସ୍ତରୀୟ ପଞ୍ଚାୟତ ନିର୍ବାଚନ ତୃତୀୟ ପର୍ଯ୍ୟାୟ ମତଦାନ ପ୍ରକ୍ରିୟା ୨୨ ପଞ୍ଚାୟତ ର ୨୬୨ ବୁଥ ରେ ଅନୁଷ୍ଠିତ ହେବାକୁ ରହିଥିବାବେଳେ ୬ଟି ବୁଥ ରେ ସ୍ଥାନୀୟ ମୌଳିକ ସମସ୍ୟା ଅଣଦେଖା ଦାବିରେ ସ୍ଥାନୀୟ ଭୋଟର ନିର୍ବାଚନ ବର୍ଜ୍ଜନ କରିଛନ୍ତି । ବ୍ଲକ ର କନ୍ଦାବୁଟ୍ରା ପଞ୍ଚାୟତ ର ୫ ୱାର୍ଡ ଓ ଆମପାଣି ପଞ୍ଚାୟତ ର କୁଟୁରୁ ଗ୍ରାମ ୱାର୍ଡ ନଂ୬ ରେ ମୌଳିକ ସମସ୍ୟା କୁ ନେଇ ଭୋଟ ବର୍ଜନ କରିଛନ୍ତି । 
ସୂଚନା ଅନୁସାରେ, କନ୍ଦାବୁଟ୍ରା ପଞ୍ଚାୟତ ର ପଞ୍ଚାୟତ କାର୍ଯ୍ୟାଳୟ ତୁନଗାଁ ରେ ନିର୍ମାଣ ନେଇ ପୂର୍ବରୁ ଦୁଇ ଗ୍ରାମବାସୀ ଙ୍କ ମଧ୍ୟରେ ଏକ ଚୁକ୍ତିନାମା ହୋଇଥିଲା । ହେଲେ ଏହାକୁ ଅଣଦେଖା କରି ପଞ୍ଚାୟତ କାର୍ଯ୍ୟାଳୟ ତୁନଗାଁ ପରିବର୍ତ୍ତେ କନ୍ଦାବୁଟ୍ରା ରେ ନିର୍ମାଣ କୁ ବିରୋଧ କରି ପୂର୍ବରୁ ଅନେକ ସମୟରେ ଗ୍ରାମବାସୀ ପ୍ରତିବାଦ କରି ଆସୁଛନ୍ତି । ଏହି ମାମଲା ଏବେ କୋର୍ଟ ରେ ବିଚାରାଧୀନ ରହିଛି । ତେବେ ଆଜି ପର୍ଯ୍ୟନ୍ତ ପ୍ରଶାସନ ପକ୍ଷରୁ କୌଣସି ପଦକ୍ଷେପ ନେଇ ନ ଥିବାରୁ ନିଜର ମୌଳିକ ଦାବି କୁ ନେଇ ତୁନଗାଁ ୱାର୍ଡ ୭ ରୁ ୧୧ ନମ୍ବର ୱାର୍ଡ ର ୧୨୨୮ ଜଣ ଭୋଟର ନିର୍ବାଚନ କୁ ପ୍ରତିବାଦ କରି ଭୋଟ ବର୍ଜ୍ଜନ କରିଛନ୍ତି । 
ସେହିପରି ଆମପାଣି ପଞ୍ଚାୟତ ର କୁଟୁରୁ ଗାଁ ରେ ପାନୀୟ ଜଳ ସମସ୍ୟା, ମୋବାଇଲ ନେଟୱାର୍କ, ସ୍ୱାସ୍ଥ୍ୟସେବା, ଗମନାଗମନ କୁ ନେଇ ୱାର୍ଡ ୬ ର ୧୯୪ ଜଣ ଭୋଟର ମତାଦାନ ରେ ଭାଗ ନେଇ ନଥିବା ସୁଚନା ରହିଛି । ଉଭୟ ଗାଁ ରେ ନିର୍ବାଚନ କରିବା ପାଇଁ ପୋଲିଂ କର୍ମଚାରୀ ପହଞ୍ଚି ଥିଲେ ମଧ୍ୟ ଗ୍ରାମବାସୀ ମାନେ ନିଜର ହକ କୁ ପ୍ରଶାସନ ନିକଟରେ ଜାହିର କରିବା ପାଇଁ ମତାଦାନ କରିନାହାନ୍ତି । ଭୋଟ ବର୍ଜ୍ଜନ ଖବର ପାଇ ତୁନଗାଁ ରେ କୌଣସି ଅପ୍ରୀତିକର ପରିସ୍ଥିତି ନ ଉପୁଜିବା ପାଇଁ ଏସ.ଡି.ପି.ଓ ଅବିନାଶ ସୋନକର ଙ୍କ ସମେତ କୋକସରା ଥାନା ଅଧିକାରୀ ପ୍ରସନ୍ନ ବେହେରା ଓ ପୋଲିସ କର୍ମଚାରୀ ପହଞ୍ଚି ଗ୍ରାମବାସୀ ଙ୍କ ସହ ଆଲୋଚନା କରି କୌଣସି ଅଶାନ୍ତିକର ପରିସ୍ଥିତି ସୃଷ୍ଟି ନ କରିବାକୁ ଅନୁରୋଧ କରି ଫେରିଥିଲେ । ତେବେ ଏହି ୬ ବୁଥ ରେ କୌଣସି ଭୋଟର ମତାଦାନ ପ୍ରକ୍ରିୟା ରେ ସାମିଲ ହୋଇ ନଥିବା ସୁଚନା ମିଲିଛି । ମ ନି ସ
