ଗୋଳାମୁଣ୍ଡା ତା ୨୩/୨ମସିହା ନିଉଜ୍
କାଲହାଣ୍ଡି ଜିଲ୍ଲା ଜୁନାଗଡ଼ ନିର୍ବାଚନ ମଣ୍ଡଳୀ ଶକ୍ତିରାଷ୍ଟ୍ର ମନ୍ତ୍ରୀ କ୍ୟାପଟେନ ଦିବ୍ୟଶଙ୍କର ମିଶ୍ରଙ୍କ ଅଞ୍ଚଳରେ ବିଦ୍ୟୁତ ବିଭାଗର କର୍ମଚାରୀ ମାନଙ୍କ ଦାୟିତ୍ବହୀନତା ଯୋଗୁଁ ଏକ ଅଭାବନୀୟ ଘଟଣା ଘଟିଯାଇଛି । ସୂଚନାରୁ ପ୍ରକାଶ ଯେ ଗୋଳାମୁଣ୍ଡା ବ୍ଲକ କେଗାଁ ଥାନା ଅନ୍ତର୍ଗତ ଉଛଲା ଗ୍ରାମର ସିମାନ ଶବର ବୟସ (୬୦ ) ଗତ ଦିନ ୧ଟା ସମୟରେ ଛେଲି ଚରାଉଥିବା ସମୟରେ ଖରା ଦାଉରୁ ରକ୍ଷା ପାଇବାପାଇଁ ଏକ ଛତା ଧରିଥିଲେ । ସେ ଠିଆ ହୋଇଥିବା ସ୍ଥାନରେ କେଗାଁ ପଟୁ ଉଛଲାଗ୍ରାମକୁ ସଂଯୋଗ ହେଇଥିବା ୧୧ କେଭି ବିଦ୍ୟୁତ ସଂସ୍ପର୍ଶରେ ଆସି ଅଚେତ୍ ଅବସ୍ଥାରେ ପଡ଼ିଯାଇଥିଲେ । ପରିବାର ଲୋକେ ଖବର ପାଇ ଘଟଣା ସ୍ଥଳରେ ପହଞ୍ଚି ସଙ୍ଗେ ସଙ୍ଗେ ଉଛଲା ପ୍ରାଥମିକ ସ୍ବାସ୍ଥ୍ୟ କେନ୍ଦ୍ରରେ ଗୁରୁତ୍ଵର ଅବସ୍ଥାରେ ଭର୍ତ୍ତି କରିଥିଲେ । ସିମାନ ଶବରଙ୍କ ସ୍ଵାସ୍ଥ୍ୟ ଅବସ୍ଥା ସଂକଟାପନ୍ନ ଥିବା ସୁଚନା ମିଳିଛି । ଗୋଳାମୁଣ୍ଡା ବ୍ଲକ ପ୍ରତେକ ଅଞ୍ଚଳରେ ଥିବା ୧୧ କେଭି ବିଦ୍ୟୁତ ତାର ଗୁଡିକ ତଳକୁ ଖସିଆସିବାରୁ ଅନେକ ଜୀବନ ହାନି ଘଟୁଛି । ବିଦ୍ୟୁତ ବିଭାଗ ଦୃଷ୍ଟି ଆକର୍ଷଣ କରି ସମସ୍ତ ବିଦ୍ୟୁତ ତାର ଗୁଡିକ ଟାଣିବା ସଙ୍ଗେ ଗୁରୁତର ସିମାନ ଶବରଙ୍କୁ କିଛି ଆର୍ଥିକ ସହଯୋଗ ଦେବା ପାଇଁ ଗ୍ରାମବାସୀ ପକ୍ଷରୁ ଦାବି ହେଉଛି ।
ଗୋଳାମୁଣ୍ଡା ବ୍ଲକରୁ ରାମକୁମାର ସେନାପତି ଙ୍କ ରିପୋର୍ଟ ମସିହା ପ୍ରତିନିଧି,
