ମୁଷାନାଳ-କାନକୁଟ୍ରୁ ଯାତାୟତ ସ୍ୱାଭାବିକ
ଲାଞ୍ଜିଗଡ଼,୨୪/୦୩(ମନିସ)-ଲାଞ୍ଜିଗଡ଼ ବ୍ଲକ ମୁଷାନାଳଠାରୁ କାନକୁଟ୍ରୁକୁ ସଂଯୋଗ କରୁଥିବା ରାସ୍ତାରେ ଏକ ବିରାଟ ଗଛ ପଡ଼ିଯିବାରୁ ଦୀର୍ଘ ସମୟ ଯାଏଁ ରାସ୍ତା ଅବରୋଧ ହୋଇ ରହିଥିଲା । ଗତ ସପ୍ତାହେ ହେଲା ଅଞ୍ଚଳରେ ସନ୍ଧ୍ୟା ସମୟରେ ପ୍ରବଳ ବର୍ଷା ସହିତ ଝଡତୋଫାନ ଯୋଗୁଁ ଏହି ଗଛଟି ଉପୁଡି ଯାଇ ରାସ୍ତା ଉପରେ ପଡିଥିଲା । 
ଯାହାଫଳରେ କାନକୁଟ୍ରୁ ଗ୍ରାମ ପଞ୍ଚାୟତ ଅଞ୍ଚଳର ଦଶରୁ ଅଧିକ ଗାଁର ଲୋକଙ୍କ ଯାତାୟତ ଏକ ପ୍ରକାର ଠପ୍ ହୋଇଯାଇଥିଲା । ଲୋକେ ବଚକା କିମ୍ବା ପାଇକବୋରି ରାସ୍ତା ଦେଇ ମୁଷାନାଳକୁ ବୁଲିକି ଯାଉଥିଲେ । ତେବେ ଏ ସଂପର୍କରେ ଖବର ପାଇ ଯୁବ ସମାଜସେବୀ ସୁଶୀଲ କୁମାର ବାଗ ଓ ସାମ୍ବାଦିକ ପରେଶ କୁମାର ନାୟକଙ୍କ ଉଦ୍ୟମ କ୍ରମେ ଲାଞ୍ଜିଗଡ ଅଗ୍ନିଶମ ବିଭାଗର 
କର୍ମଚାରୀମାନେ ରାସ୍ତା ଉପରେ ପଡିଥିବା ଏହି ଗଛ କାଟି ସଫା କରିବା ପରେ ଏବେ କାନକୁଟ୍ରୁକୁ ଯାତାୟତ ସ୍ୱାଭାବିକ ହୋଇପାରିଛି । ଅଗ୍ନିଶମ ବିଭାଗ ପକ୍ଷରୁ ଅଗ୍ନିଶମ କେନ୍ଦ୍ର ଅଧିକାରୀ ସନତ ପ୍ରଧାନ, ହାବିଲଦାର ଦେବରାଜ ପ୍ରଧାନ, ସହକର୍ମୀ ସୁନୀଲ ବାର୍ଲା, ଦୁଷ୍ମନ୍ତ ସାହୁ, ତେଜରାଜ ମାଝୀ, ବସନ୍ତ ବେହେରା ପ୍ରମୁଖ ଏହି ରାସ୍ତା ଅବରୋଧ ହଟାଇବା କାର୍ଯ୍ୟରେ ସାମିଲ ହୋଇଥିଲେ ।
ଲାଞ୍ଜିଗଡ଼ ରୁ ସୁଶୀଲ କୁମାର ବାଗ ଙ୍କ ରିପୋର୍ଟ
