ପାପଡାହାଣ୍ଡି,1/4, ମନିସ —ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ତୁମ୍ବର୍ଲା ପଂଚାୟତ ରଜାମାଟୁ ଠାରେ ଶନିବାର ସାଇଜ ପଠା କାଠ ଚାଲାଣ ବେଳେ ଜଣକୁ ଗିରଫ କରିଛି ବନ ବିଭାଗ | ତାଙ୍କ ନାମ ସୁଶାନ୍ତ ବାଗ | ସୂଚନା ମୁତାବକ ସୁଶାନ୍ତ ଏକ ସାଇକେଲରେ ସାଇଜ ପଟା କାଠ ଧରି ଯାଉଥିବା ସମୟରେ ବିଶେଷ ସୂତ୍ରରୁ ଖବର ପାଇ ତୁମ୍ବର୍ଲା ସେକ୍ସସନ ଓ ଗ୍ରାମବାସି ତରଫରୁ ଗ୍ରାମରେ ଚଢ଼ାଉ କରାଯାଇଥିଲା | ତିନୋଟି ସାଇଜ କାଠ ଜବତ ସହ ସୁଶାନ୍ତକୁ ଗିରଫ କରିଥିଲା ବନ ବିଭାଗ | ଚଢ଼ାଉ ସମୟରେ ଫୋରେଷ୍ଟ ଗାର୍ଡ ପିତାମ୍ବର ନାୟକ,ସୁଶାନ୍ତ କୁମାର ମାଝୀ,ସୋନାଲି ବିଶ୍ୱାଳ ଓ ପାରା ଫୋରେଷ୍ଟ ଗାର୍ଡ ବନସିଂ ଭତରା ପ୍ରମୁଖ ସାମିଲ ଥିଲେ |
ପାପଡାହାଣ୍ଡି ରୁ ସ୍ବପ୍ନ ଜୀତ ପଟ୍ଟନାୟକ ଙ୍କ ରିପୋର୍ଟ୍
