ପାପଡାହାଣ୍ଡି,6/4, ମନିସ — ପାପଡାହାଣ୍ଡି ବ୍ଲକ ନାକଟିଗୁଡା ପଂଚାୟତ ଝାଡ଼କୁସୁମୀ ଠାରେ ବିଳମ୍ବିତ ରାତ୍ରରେ ବଜ୍ରାଘାତରେ ଦୁଇ ଜଣ ଗୁରୁତର ଆହତ ହୋଇଛନ୍ତି | ସେମାନେ ହେଲେ ଖଗେଶ ଭତରା ଓ ଚିତାଏ ଭତରା | ଉଭୟଙ୍କୁ ପ୍ରଥମେ ପାପଡାହାଣ୍ଡି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ର ଓ ପରେ ଜିଲ୍ଲା ମୂଖ୍ୟଚିକିତ୍ସାଳୟକୁ ସ୍ଥାନାନ୍ତର କରାଯାଇଛି | ସୂଚନା ମୁତାବକ 
ବିଳମ୍ବିତ ରାତ୍ରରେ ବ୍ଲକର ବିଭିନ୍ନ ସ୍ଥାନରେ ପବନ ସହ ଘଡଘଡି ଏବଂ ବର୍ଷା ହୋଇଥିଲା | ଘର ଆଗରେ ଥିବା ଇଟା ଗଦାରେ ଜରି ଘୋଡାଇବା ଲାଗି ଦୁହେଁ ଯାଇଥିବା ସମୟରେ ବଜ୍ରାଘାତର ଶିକାର ହୋଇ ଅଚେତ ହୋଇପଡ଼ିଥିଲେ | ସେମାନଙ୍କୁ ଉଦ୍ଧାର କରାଯାଇ ଆମ୍ବୁଲାନ୍ସ ଯୋଗେ ସ୍ୱାସ୍ଥ୍ୟକେନ୍ଦ୍ରକୁ ଅଣାଯାଇଥିଲା |
କାଳ ବୈଶାଖୀ ପ୍ରଭାବ ଭାଙ୍ଗିଲା ବର ଗଛ, ଅଳ୍ପକେ ବର୍ତ୍ତିଲେ ଲୋକ
ପାପଡାହାଣ୍ଡି,6/4, ମନିସ — ନବରଙ୍ଗପୁର ଜିଲ୍ଲା ପାପଡାହାଣ୍ଡି ବ୍ଲକ ଝିଟକୁଗୁଡା ଠାରେ କାଳବୈଶାଖୀ ପ୍ରଭାବ ରେ ବିଳମ୍ବିତ ରାତ୍ରରେ ପବନ ସହ ବର୍ଷା ହୋଇଥିଲା | ଏହା ଦ୍ୱାରା ଝିଟକୁଗୁଡାରେ ଏକ ବରଗଛ ଭାଙ୍ଗିଯାଇଥିବା ବେଳେ ଏହା ନିକଟରେ ଥିବା କିଛି ଘର ଅଳ୍ପକେ ବର୍ତ୍ତି ଯାଇଛନ୍ତି | ଖବର ପାଇ ପାପଡାହାଣ୍ଡି ଅଗ୍ନିଶମ ଓ ବନ ବିଭାଗ ପହଁଚି ଗଛ ଡାଳ କାଟିଥିଲେ |
ପାପଡାହାଣ୍ଡି ରୁ ସ୍ବପ୍ନ ଜୀତ ପଟ୍ଟନାୟକ ଙ୍କ ରିପୋର୍ଟ୍
