କୋକସରା,୧୮/୫- କଳାହାଣ୍ଡି ଜିଲ୍ଲା କୋକସରା ବ୍ଲକ ରେଙ୍ଗାଳପାଲି ପଞ୍ଚାୟତ କାଦୋପଦର ଗ୍ରାମରେ ଆଜି କିଟ ଓ କିସ ବିଶ୍ୱ ବିଦ୍ୟାଳୟ ଭୁବନେଶ୍ୱର ଆନୁକୂଲ୍ୟରେ ୧୦ ତମ ଆର୍ଟ ଅଫ ଗିଭିଂ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । କିଟ ଓ କିସର 
ପ୍ରତିଷ୍ଠାତା ଡ଼. ଅଚ୍ୟୁତ ସାମନ୍ତଙ୍କ ଦ୍ଵାରା ୨୦୧୩ ମସିହାରେ ଏହି କାର୍ଯ୍ୟକ୍ରମ ଆରମ୍ଭ ହୋଇଥିଲା। ଆଜି ଏହି କାର୍ଯ୍ୟକ୍ରମ ଅବସରରେ ଅଧ୍ୟାପକ ଭୁବନେଶ୍ୱର ଦିଶାରୀଙ୍କ ସଭାପତିତ୍ୱରେ ମୁଖ୍ୟ ଅତିଥି ଭାବେ ରେଙ୍ଗାଳପାଲି ସରପଞ୍ଚ ପଦ୍ମିନୀ ପାତ୍ର, ମୁଖ୍ୟବକ୍ତା ଯୋଗାଣ ଅଧିକାରୀ ଜଗାରାମ ମୁର୍ମୁ, ସମ୍ମାନିତ ଅତିଥି 
ଭାବେ ବଂଜାରା ସମାଜ ସେବା ସଂଘ ଜିଲ୍ଲା ସଭାପତି ଯଶୋବନ୍ତ ନାଏକ, ବଂଜାରା ସେବା ସଂଘ ସମ୍ପାଦକ ବୁଦ୍ଧିରାମ ନାଏକ, କଳାହାଣ୍ଡି ଅଭିଭାବକ ସଙ୍ଘର ସମ୍ପାଦକ ସନ୍ଥ କୁମାର ନାଏକ, କୋକସରା ବ୍ଲକ ଆଦିବାସୀ ସଂଘର ସମ୍ପାଦକ ତ୍ରିନାଥ ଶବର, 
ପିତାମ୍ବର ନାଏକ, ଅମର ମାଝୀ, ଧର୍ମରାଜ ମାଝୀ, କିସ ବିଦ୍ୟାଳୟର କର୍ମଚାରୀ ଅର୍ଜୁନ ରାଉତ ଉପସ୍ଥିତ ରହି ଆର୍ଟ ଅଫ ଗିଭିଂର ମୂଳ ଉଦେଶ୍ୟ ବିଷୟରେ ବୁଝାଇଥିଲେ । କାର୍ଯ୍ୟକ୍ରମରେ ମଞ୍ଚ ପରିଚାଳନାରେ ଜଗଦୀଶ ଶବର ସହଯୋଗ କରିଥିବା ବେଳେ ଧନ୍ୟବାଦ ଅର୍ପଣ ଭୁଜବଲ ନାଏକ କରିଥିଲେ। କାର୍ଯ୍ୟକ୍ରମରେ ଆଶା ଓ ଅଙ୍ଗନବାଡି କର୍ମୀମାନେ ଉପସ୍ଥିତ ରହି ସହଯୋଗ କରିଥିଲେ।
ମସିହା ନିୟୁଜ୍ ସର୍ଭିସ୍
