ଢେଙ୍କାନାଳ, ୦୯.୦୫, ୨୦୨୩: ଢେଙ୍କାନାଳ ଜିଲ୍ଲା ସଦର ବ୍ଲକ୍ ଅନ୍ତର୍ଗତ ଆରଦା ଗ୍ରାମବାସୀମାନେ ସୀମା ଚିହ୍ନଟ ପାଇଁ ତହସିଲଦାରଙ୍କୁ ଏକ ଲିଖିତ ପତ୍ର ପ୍ରଦାନ କରିଛନ୍ତି । ପ୍ରକାଶ ଯେ, ପୂର୍ବରୁ ଆରଦା ଗ୍ରାମବାସୀମାନେ ଗ୍ରାମର ସୀମା ଚିହ୍ନଟ ପାଇ ଆବେଦନ କରିଥିଲେ । ତାହା ଅନ୍ୟ ଗ୍ରାମକୁ ନୋଟିସ୍ କରାଯାଇଥିଲା ଏବଂ ପ୍ରାୟ ୩ ଭାଗ ସୀମା ଚିହ୍ନଟ ସରିଯାଇଥିବା ସ୍ଥଳେ ଆଉ ୧ ଭାଗ ଚିହ୍ନଟ ବାକି ରହିଯାଇଛି। ଏ ବିଷୟରେ ବାରମ୍ବାର ଆର.ଆଇଙ୍କୁ ଜଣାଇବା ସତ୍ତ୍ବେ ଆଉ ୧ ଭାଗ ଚିହ୍ନଟ କରୁନାହାଁନ୍ତି । ଯାହାଫଳରେ ଅନ୍ୟଗ୍ରାମର ଲୋକମାନେ ଆରଦା ଗ୍ରାମର ଜମିକୁ ଜବରଦଖଲ କରୁଛନ୍ତି ବୋଲି ଅଭିଯୋଗ ହେଉଛି । ଏବେ ଚାଉଳିଆ ଗ୍ରାମର ଅମ୍ବୁଜ ସାହୁ, ପିତା ନିତ୍ୟାନନ୍ଦ ସାହୁ ଓ କୁମର ବିନ୍ଧାଣୀ, ପିତା-କମ୍ପୁଆ ବିନ୍ଧାଣୀ ଜେସିବି ଲଗାଇ ଆରଦା ଗ୍ରାମରେ ଟ୍ରେଚ୍ ଖୋଳୁଛନ୍ତି । ତେଣୁ ଏହାକୁ ବନ୍ଦ କରିବାକୁ ଗ୍ରାମବାସୀମାନେ ତହସିଲଦାରଙ୍କ ନିକଟରେ ଦାବି ଜଣାଇଛନ୍ତି । ଗ୍ରାମର ପ୍ରକାଶ ଚନ୍ଦ୍ର ସାଇଁ, ନରହରି ପରିଡା, ନିବାରଣ ରାଉତ, ଭାସ୍କର ଚନ୍ଦ୍ର ସ୍ବାଇଁ, ତ୍ରିଲୋଚନ ଜେନା, ବିଜୟ କୁମାର ସାହୁ ଓ ଟଙ୍କଧର ରାଉତଙ୍କ ସମେତ ବହୁ ଗ୍ରାମବାସୀ ତହସିଲଦାରଙ୍କ ସାକ୍ଷାତ କରି ଏକ ଲିଖୁତ ଅଭିଯୋଗ କରିଛନ୍ତି ।
ଶୁଭମ୍ ପାଣି ଙ୍କ ରିପୋର୍ଟ
