ବାଲେଶ୍ୱର ଜିଲ୍ଲା ବାଲିଆପାଳ ବ୍ଲକ ୨୧ ନମ୍ବର ଜୋନ ଜିଲ୍ଲା ପରିଷଦଙ୍କ ସ୍ୱାମୀଙ୍କୁ ଆକ୍ରମଣ କଲେ ବ୍ଲକ ଜେଇ । ଜିଲ୍ଲା ପରିଷଦଙ୍କ ସ୍ୱାମୀ ଆହତ । ବ୍ଲକ ପରିସରରେ ଉତ୍ତେଜନା ଜାରୀ । ଏଭଳି ଦୃଶ୍ୟ ଦେଖିବାକୁ ମିଳିଛି ବାଲିଆପାଳ ବ୍ଲକ ପରିସରରେ ।
ଖବର ସଂଗ୍ରହରୁ ଜଣାଯାଇଛି ବାଲିଆପାଳ ବ୍ଲକ ୨୧ନଂ ଜୋନର ଜିଲ୍ଲା ପରିଷଦ ସଦସ୍ୟା କାଞ୍ଚନାବାଳା ଜେନାଙ୍କର ସ୍ୱାମୀ ସୁନୀଲ ଜେନା । ଯିଏ କି ଶ୍ରୀମତୀ ଜେନାଙ୍କ ପ୍ରତିନିଧି ହିସାବରେ କାର୍ଯ୍ୟ କରି ଆସୁଛନ୍ତି । ଏହି ଜୋନରେ ବଡ଼ କଷବା ଗ୍ରାମ ଠାରେ ଜିଲ୍ଲାପରିଷଦଙ୍କ ନିଜସ୍ୱ ପାଣ୍ଠି ଓ ଏଫଡିଆର(FDR) ପାଣ୍ଠିର ମିଳିତ ଅର୍ଥରେ ଏକ ପକ୍କା ରାସ୍ତା ନିର୍ମାଣ ହେବାର ଥିଲା । ବ୍ଲକର କାର୍ଯ୍ୟରତ ଜେଇ(JE) ପ୍ରଫୁଲ ମଲ୍ଲିକଙ୍କ ହାତରେ ଏହାର କାର୍ଯ୍ୟଭାର ଥିଲା । ମାତ୍ର ଦୀର୍ଘ ୩ ମାସରୁ ଅଧିକ ସମୟ ଧରି ଜେଇ(JE) ଏଷ୍ଟିମେଣ୍ଟ ନ କରିବା ଏବଂ କୌଣସି କାର୍ଯ୍ୟ ହେଉ ନ ଥିବାରୁ ଜିଲ୍ଲା ପରିଷଦଙ୍କର ପ୍ରତିନିଧି ଶ୍ରୀ ଜେନା ବ୍ଲକ ପରିସରରେ ପହଂଚି ଜେଇଙ୍କୁ ପଚାରିବା ସହିତ କାହିଁକି ଉକ୍ତ ସ୍ଥାନକୁ ଯାଉନାହାଁନ୍ତି ବୋଲି ପଚାରିବାରୁ JE(ଜେଇ) ଉତକ୍ଷିପ୍ତ ହୋଇ ଜିଲ୍ଲାପରିଷଦ ପ୍ରତିନିଧିଙ୍କୁ ଠେଲାପେଲା କରିବା ସହିତ ମାଡ଼ ମାରିଥିଲେ । ଏଥିରେ ଜିଲ୍ଲାପରିଷଦଙ୍କ ସ୍ୱାମୀ ରକ୍ତାକ୍ତ ହେବା ସହିତ ଆହତ ହୋଇଥିଲେ । ବ୍ଲକ ପରିସରରେ କିଛି ସମୟ ପାଇଁ ଉତ୍ତେଜନା ଲାଗି ରହିଥିବା ଦେଖିବାକୁ ମିଳିଥିଲା ।ଜିଲ୍ଲାପରିଷଦ ପ୍ରତିନିଧି ନ୍ୟାୟ ନିମନ୍ତେ ବିଡିଓଙ୍କ ନିକଟରେ ପହଞ୍ଚିଛନ୍ତି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
