ବାଲେଶ୍ୱର ଜିଲ୍ଲା ସିଂଲା ଡାକ୍ତରଖାନା ପରିସରରେ ସିଂଲା ପଞ୍ଚାୟତ ବିଜେପି ପକ୍ଷରୁ ସ୍ୱଚ୍ଛ ଭାରତ ମିଶନ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । ଏହି କାର୍ଯ୍ୟକ୍ରମରେ ସିଂଲା ପଞ୍ଚାୟତ ସରପଞ୍ଚ ବିପିନ୍ ବିହାରୀ ବିଶ୍ବାଳଙ୍କ ତତ୍ବାବଧାନରେ ପଞ୍ଚାୟତର ବହୁ ମହିଳା ଓ ବିଜେପି କର୍ମୀ ଯୋଗ ଦେଇଥିଲେ । ଦିର୍ଘ ଦିନ ଧରି ଡାକ୍ତରଖାନା ପରିସର ଅପରିଷ୍କାର ହୋଇ ପଡିଥିଲା । ବିଭିନ୍ନ 
ସ୍ଥାନରେ ଘାସ ଲଟା ବୁଦା ମାଡ଼ି ରହିଥିଲା । ଏହାକୁ ଦେଖି ବିଜେପି କର୍ମୀ ମାନେ ଏହାକୁ ପରିଷ୍କାର କରିଛନ୍ତି । ଡାକ୍ତରଖାନା ପରିସରକୁ ସର୍ବଦା ପରିଷ୍କାର ପରିଚ୍ଛନ୍ନ ରଖିବା ପାଇଁ ପରାମର୍ଶ ଦେଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨୦୧୪ ମସିହାରେ ସ୍ବଚ୍ଛ ଭାରତ ମିଶନ କାର୍ଯ୍ୟକ୍ରମ ଆରମ୍ଭ କରିଥିଲେ । ଯାହା ଫଳରେ ପରିବେଶରେ ସ୍ବଚ୍ଛତା ଆସିବ ଏବଂ ବିଭିନ୍ନ ପ୍ରକାରର ମାରାତ୍ମକ ରୋଗରୁ ରକ୍ଷା ମିଳିବ । ତେଣୁ ପ୍ରଧାନମନ୍ତ୍ରୀ ଏହି କାର୍ଯ୍ୟକ୍ରମକୁ ସଫଳ କରିବା ପାଇଁ ସିଂଲା ପଞ୍ଚାୟତର ଏହି କାର୍ଯ୍ୟକ୍ରମ ଜାରି ରହିଛି । ସପ୍ତାହକୁ ଗୋଟିଏ ଦିନ ଭିନ୍ନ ଭିନ୍ନ ସ୍ଥାନରେ ଏହିଭଳି କାର୍ଯ୍ୟକ୍ରମ କରାଯାଉଛି ବୋଲି କହିଛନ୍ତି ବିଜେପି କର୍ମକର୍ତ୍ତା ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
