ବାଲେଶ୍ୱର,୨୨/୬/୨୩- ଅନ୍ତର୍ଜାତୀକ ଯୋଗ ଦିବସ ଅବସରରେ କେନ୍ଦ୍ର ରେଳବାଇ ମନ୍ତ୍ରୀ ମାନ୍ୟବର ଅଶ୍ୱିନୀ ବୈଷ୍ଣବ ବାଲେଶ୍ବର ସ୍ଥିତ ପରମିଟ୍ ପଡିଆରେ ଯୋଗ ଅଭ୍ୟସ କରିଥିଲେ । ପରେ ଭୋଗରାଇ ବ୍ଲକର ବାବା ଚନ୍ଦନେଶ୍ୱର ଶୈବପୀଠ ପରିଦର୍ଶନ ପାଇଁ ଯାଇଥିଲେ । ଏହି ସମୟରେ ଭୋଗରାଇ ଥାନା ଛକ ଠାରେ ଅଖଣ୍ଡ ଭାରତ ହିନ୍ଦୁ ମହାସଭାର ସଭାପତି କୌସିକ୍ ଚାନ୍ଦଙ୍କ ତରଫରୁ ମାନ୍ୟବର ମନ୍ତଙ୍କୁ ସ୍ବାଗତ ସମ୍ବର୍ଦ୍ଧନା କରିବା ସହିତ 
ଭୋଗରାଇକୁ ରେଳ ସଂଯୋଗୀକରଣର ଏକ ଦାବିପତ୍ର ପ୍ରଦାନ କରିଥିଲେ । ଭୋଗରାଇରୁ ଜଳେଶ୍ବର ରେଳ ଷ୍ଟେସନ ପାଖାପାଖି ପ୍ରାୟ ୪୦ କିଲୋମିଟର ରାସ୍ତା ହୋଇଥିବାରୁ ସାଧାରଣ ଲୋକ ମାନେ ଯିବା ଆସିବାରେ ଅନେକ ସମସ୍ୟା ଭୋଗ କରୁଛନ୍ତି । ଯାହାକୁ ନେଇ ରେଳ ମନ୍ତ୍ରୀଙ୍କୁ ସମସ୍ୟା ବାବଦରେ ଜଣାଇବା ପରେ ସମସ୍ୟାର ତୁରନ୍ତ ସମାଧାନ ପାଇଁ ମାନ୍ୟବର ମନ୍ତ୍ରୀ ପ୍ରତିଶୃତି ଦେଇଛନ୍ତି । ଅନ୍ୟ ମାନଙ୍କ ମଧ୍ୟରେ ପ୍ରିୟବ୍ରତ ପ୍ରଧାନ, ଅଭିଜିତ ଚାନ୍ଦ, ଅଜୟ କୁମାର ସାହୁ ଏବଂ ବଂଶୀଧର ସାହୁ ପ୍ରମୁଖ ଦାବିପତ୍ର ପ୍ରଦାନ ବେଳେ ଉପସ୍ଥିତ ଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
