ମୟୂରଭଞ୍ଜ -୯/୭ ( ମସିହା)ରାଇରଙ୍ଗପୁର ରେ ମୟୂରଭଞ୍ଜ କୁମ୍ଭାର ଉନ୍ନୟନ ପରିଷଦର ଏକ ବୈଠକ ଅନୁଷ୍ଠିତ ହୋଇଯାଇଛି । ଏଥିରେ କୁମ୍ଭାର ଉନ୍ନୟନ ପରିଷଦର ଜିଲ୍ଲା ସଭାପତି ଭୀମ ଚରଣ ରାମ ସଭାପତିତ୍ବ କରିଥିଲେ ।ଜିଲ୍ଲାର ସମସ୍ତ ବ୍ଳକର କର୍ମକର୍ତ୍ତା,ସକ୍ରିୟ ସଦସ୍ୟ ଯୋଗ ଦେଇଥିଲେ । ସାଂପ୍ରତିକ ପରିସ୍ଥିତିରେ କୁମ୍ଭାର ସମାଜର ଲୋକେ ରାଜ୍ୟ ଓ କେନ୍ଦ୍ର ସରକାରଙ୍କ ଦ୍ବାରା କିଭଳି ଅବହେଳିତ ଓ ନିଷ୍ପେଷିତ ହେଉଛନ୍ତି ଆଲୋଚନା ହୋଇଥିଲା । ସରକାର ସେମାନଙ୍କ ଜୀବନ ଓ ଜୀବିକା ତଥା ସାମାଜିକ ସୁରକ୍ଷାକୁ ଅଣଦେଖା କରୁଛନ୍ତି ।ତେଣୁ ସମସ୍ତ କୁମ୍ଭାର ସମାଜ ଗୋଟିଏ ଛାତ ତଳେ ଏକାଠି ହୋଇ ନିଜର ଅଧିକାର ନେଇ ଲଢେଇ କରିବା ଦରକାର ବୋଲି କହିଥିଲେ ।କୁମ୍ଭାର ସମାଜର ନେତୃବୃନ୍ଦ ଅସହାୟ ଓ ଅସୁବିଧାର ସମ୍ମୁଖୀନ ହେଉଥିବା ଲୋକଙ୍କ ସମସ୍ୟା ସମାଧାନ ପାଇଁ ଯତ୍ନଶୀଳ ହେବା ଦରକାର ବୋଲି କହିଥିଲେ ।ଶେଷରେ ରାଇରଙ୍ଗପୁର ଅଂଚଳର ବିଶିଷ୍ଟ ସମାଜସେବୀ ଭୂବନେଶ୍ବର ବେହେରାଙ୍କୁ ସର୍ବସମ୍ମତିକ୍ରମେ ଜିଲ୍ଲା ସଂପାଦକ ଭାବେ ମନୋନୀତ କରାଯାଇଥିଲା । ତାଙ୍କୁ ସଂଘର କର୍ମକର୍ତ୍ତା ବୃନ୍ଦ ପୁଷ୍ପଗୁଛ ଦେଇ ସମ୍ବର୍ଦ୍ଧିତ କରିଥିଲେ ।ବୈଠକରେ ଇନ୍ଦ୍ର ବେହେରା,ସଂଜୟ ରାମ, ଅମୂଲ୍ୟ କୁମ୍ଭାକାର, ବକ୍ସି ଜଗବନ୍ଧୁ ପାଲ,ସୁକଦେବ ବେହେରା,ସତ୍ୟ ରଂଜନ ପାଲଙ୍କ ସମେତ ବହୁ ସଦସ୍ୟ ଉପସ୍ଥିତ ଥିଲେ ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ
