କଳାହାଣ୍ଡି ଜିଲ୍ଲା ଜୟପାଟଣା ଥାନା ଅଂଚଳରେ ଏକ ଦୁଃଖଦ ଘଟଣା ଘଟି ଯାଇଛି । ଅଲାଭଟା ଗ୍ରାମରେ ଥିବା ଡୁର୍କାଡଙ୍ଗରିରେ ପଥର ଖସିଯାଇ ୨ ଜଣଙ୍କ ମୃତ୍ୟୁ ହୋଇଛି । ମୃତକ ମାନେ ଅଲାଭଟା ଗ୍ରାମର ମୁକୁନ୍ଦ ପରାଭୋଇ(୫୫) ଓ ରାଜକୁମାରି ନାଏକ(୩୦) ବୋଲି ସୂଚନା ମିଳିଛି । ବର୍ଷା ଯୋଗୁଁ ଡଙ୍ଗରି ସାରା ଓଦାଳିଆ ହୋଇଥିବା ବେଳେ ପଥର ଫଟାଇ ମେଟାଲ ତିଆରି 
ପାଇଁ ଡଙ୍ଗରି ତଳେ ବସିଥିବା ମୁକୁନ୍ଦ ଓ ରାଜକୁମାରିଙ୍କ ଉପରେ ଏକ ବଡ଼ ପଥର ଖସିପଡିଥିଲା। ଫଳରେ ଘଟଣା ସ୍ଥଳରେ ସେମାନଙ୍କ ମୃତ୍ୟୁ ହୋଇଛି । ଖବର ପାଇ ଜୟପାଟଣା ଅଗ୍ନିଶମ ବିଭାଗ ଘଟଣାସ୍ଥଳରେ ପହଂଚି ମୃତକଙ୍କୁ ଶବ ବ୍ୟବଚ୍ଛେଦ ପାଇଁ ଜୟପାଟଣା ଡ଼ାକ୍ତରଖାନାକୁ ପଠାଇଛି । ସେପଟେ ପୋଲିସ ପହଞ୍ଚି ଘଟଣାର ଛାନ ଭିନ୍ କରିଛି ।
ମସିହା ନିୟୁଜ ସର୍ଭିସ୍
