ନବରଙ୍ଗପୁର–(ମସିହା) ନବରଙ୍ଗପୁର ଜିଲ୍ଲା ତଥା ଅବିଭକ୍ତ କୋରାପୁଟ ଜିଲ୍ଲାର ଗୌରବ ପ୍ରସିଦ୍ଧ ଗୀତ କୁଡ଼ିଆଣୀ ସ୍ଵର୍ଗତ ବେଲଦେଇ ହରିଜନ ଙ୍କ ପ୍ରତିମୂର୍ତ୍ତି ଡାବୁଗାଁ ରେ ସ୍ଥାପନ ନିମନ୍ତେ ଦାବୀ ହୋଇଛି l ଦେଶିଆ କୁଟୁମ୍ବର ସଭାପତି ସାଇମନ ବିଡିକା,ସମ୍ପାଦକ ସବ୍ୟସାଚୀ ବିଶୋଇ ଏ ନେଇ ଡାବୁଗାଁ ଗୋଷ୍ଠୀ ଉନ୍ନୟନ ଅଧିକାରୀ ଶରତ ମାଝୀ ଙ୍କୁ ଦାବୀ ପତ୍ର ପ୍ରଦାନ କରିଛନ୍ତି l ଆାଦିବାସୀ ଭାଷା ସଂସ୍କୃତି ର ଖ୍ଯାତି ସମ୍ପନ୍ନା ବାହିକା ଡାବୁଗାଁ 
ବ୍ଳକ ଚଚାରାଗୁଡl ଗ୍ରାମର ପ୍ରସିଦ୍ଧ ଗୀତ କୁଡ଼ିଆଣୀ ସ୍ଵର୍ଗତ ବେଲଦେଇ ହରିଜନ ଅବିଭକ୍ତ କୋରାପୁଟ ଜିଲ୍ଲାର ଗୌରବ ଅଟନ୍ତି l ସ୍ଵର୍ଗତ ବେଲଦେଇ ବିଦ୍ୟା ଅଧ୍ୟୟନ କରି ନ ଥିଲେ ମଧ୍ଯ ବାଲ୍ୟ କାଳରୁ ବିଭିନ୍ନ ଭଙ୍ଗିରେ ଦେଶୀଆ ଭାଷାରେ ନିଜେ ରଚନା କରି ଗାଉଥିଲେ l ଧିରେ ଧିରେ ବିଭିନ୍ନ ହାଟ ବଜାର, ମେଳା, ଯାତ୍ରା ଓ ନାଟ ଚାଲିଥିବା ସ୍ଥାନକୁ ଯାଇ ଅନର୍ଗଳ ଗୀତ ଗାଉଥିଲେ l ଦର୍ଶକ ଓ ଶ୍ରୋତାଙ୍କୁ ତାଙ୍କ ଗୀତ କୁଡିଆ ମାଧ୍ୟମରେ ବାନ୍ଧି ରଖୁଥିଲେ lଗୀତ କୁଡିଆ ନିମନ୍ତେ ସେ ଦିଲ୍ଲୀ, ଓଡିଶା ସଙ୍ଗୀତ ନାଟକ ଏକାଡେମୀ, ବ୍ରହ୍ମପୁର ବିଶ୍ୱବିଦ୍ୟାଳୟ, କଳାହାଣ୍ଡି ମହୋତ୍ସବ, ନବରଙ୍ଗପୁର ଜିଲ୍ଲା ଲୋକପ୍ରିୟ ମହୋତ୍ସବ ମଣ୍ଡେଇ ଉତ୍ସବ ରେ ସମ୍ମାନିତ ହୋଇଛନ୍ତି l କଲିକତା ଇଡେନ ଗାର୍ଡ଼ନରେ ଅନୁଷ୍ଠିତ ଆାଦିବାସୀ ସମାରୋହରେ ଯୋଗଦେଇ ଗୀତ କୁଡ଼ିଆଣୀ ସ୍ଵର୍ଗତ ବେଲଦେଇ ପୂର୍ବତନ ପ୍ରଧାନମନ୍ତ୍ରୀ ସ୍ଵର୍ଗତ ଅଟଳବିହାରୀ ବାଜପାୟୀ ଙ୍କ ସମ୍ମୁଖରେ ଗୀତ ଗାଇ ଉଚ୍ଚ ପ୍ରଶଂସିତ ହୋଇଥିଲେ l ୨୦୧୮ ନଭେମ୍ବର ରେସେ ଇହଧାମ ତ୍ଯାଗ କରି ଥିଲେ l ସ୍ଵର୍ଗତ ବେଲଦେଇ ଙ୍କ ଜୀବନୀ ଓ ଲୋକ ସାହିତ୍ୟ ଗବେଷଣା କରାଯାଇ ବହୁ ପୁସ୍ତକ ରଚନା କରାଯାଇଛି l ସମ୍ପ୍ରତି ଲୋପ ପାଇବାକୁ ବସିଥିବା ଗୀତ କୁଡିଆ ଓ ଗୀତ କୁଡିଆଣୀ ପରମ୍ପରା ଓ ଦେଶୀଆ ଭାଷା ସଂସ୍କୃତି ର ସୁରକ୍ଷା ତଥା ପ୍ରଚର ପ୍ରସାର ର ଆବଶ୍ୟକ ରହିଛି l ବେଲଦେଇଙ୍କ ବ୍ୟକ୍ତିତ୍ୱ ଓ ପାରଦର୍ଶିତା ଲୋକ ଲୋଚନକୁ ଆଣି ଆଗାମୀ ପୀଢିକୁ ଅନୁପ୍ରାଣିତ କରିବା ପାଇଁ ଡାବୁଗାଁ ରେ ତାଙ୍କ ପ୍ରତିମୂର୍ତ୍ତି ସ୍ଥାପନ କରିବାକୁ ଆାଦିବାସୀ ଭାଷା ଓ ସଂସ୍କୁତି ଗବେଷଣା ପରିଷଦ ଦେଶୀଆ କୁଟୁମ୍ବ ଧୋଡ୍ରା ଶାଖା ତରଫରୁ ଗୋଷ୍ଠୀ ଉନ୍ନୟନ ଅଧିକାରୀ ଙ୍କୁ ଦାବୀପତ୍ର ପ୍ରଦାନ କରାଯାଇଛି lଏଥି ପ୍ରତି ଦୃଷ୍ଟି ଦେଇ ପ୍ରତିମୂର୍ତ୍ତି ଡାବୁଗାଁ ରେ ସ୍ଥାପନ ଦିଗରେ ପଦକ୍ଷେପ ନିଆଯିବ ବୋଲି ବିଡିଓ ପ୍ରତିଶ୍ରୁତି ଦେଇଛନ୍ତି l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
