ମୟୂରଭଞ୍ଜ – ୨୩/୭ ( ମସିହା)ମୟୂରଭଞ୍ଜ ଜିଲ୍ଲାର ସିମାନ୍ତ ଗୋରୁମହିଷାଣୀ ଥାନା ପକ୍ଷରୁ ଥାନା ଅନ୍ତର୍ଗତ ଵିଜାତଳା ବ୍ଳକର ମାଣିକପୁର ପଞ୍ଚାୟତର ମାଣିକପୁର ଗ୍ରାମରେ ଶୁକ୍ରବାର ଦିନ ଆମ ପୋଲିସ ବୈଠକ ଥାନାଧୀକାରୀ ଦେବାଶିଷ ଶତପଥୀଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବେ ମାଣିକପୁର ସରପଞ୍ଚ ସୁଶାନ୍ତ ମୁଣ୍ଡା ଯୋଗ ଦେଇଥିଲେ । ପୋଲିସ ଏବଂ ଜନତାର ସଂପର୍କ ନିକଟତର ହେବା ଉଚିତ ।ସାଧାରଣ ଜନତା ଏବେକାର ପୋଲିସକୁ ଇଂରେଜ ଅମଳରେ ପୋଲିସ ନ ଭାବି ନିଜର ସମସ୍ୟାକୁ ବଂଧୁଭଳି ଭାବିବା ଉଚିତ ।ତେବେ ପୋଲିସ ସହାୟତାର ହାତ ବଢାଇବ ବୋଲି ଥାନାଧିକାରୀ ସୂଚାଇଥିଲେ ।ନିଜ ଅଂଚଳର ମୌଳିକ ସମସ୍ୟା ଆଲୋକ,ପାଣି,ଗମନାଗମନ, ଶିକ୍ଷା ସାମୁହିକ ସମସ୍ୟା ଯଦି ଥାଏ ପୋଲିସ ସେଥିପାଇଁ କିଛିଟା ପଦକ୍ଷେପ ନେବ । ତଦସହ ପୋଲିସ ଗ୍ରାମାଞ୍ଚଳର ବୟସ୍କ,ଶିଶୁ, ମହିଳା ନିର୍ଯାତନା, ଉପରେ ଆଲୋଚନା ଓ ଏହାର ନିରାକରଣ ଉପରେ ଆଲୋଚନା ହୋଇଥିଲା ।ଗ୍ରାମାଞ୍ଚଳରେ ଛେଳି,ଗୋରୁ ଚୋରୀ ବୃଦ୍ଧି ହେଉଥିବା ନେଇ ଆଲୋଚନା ହୋଇଥିଲା । ଏଥିରେ ଆମ ପୋଲିସ ସମାତିର ସଦସ୍ୟ ପୋଲିସ କର୍ମଚାରୀ ପ୍ରମୁଖ ସାମିଲ ହୋଇ ସୁଚିନ୍ତିତ ମତାମତ ଦେଇଥିଲେ ।ବୈଠକରେ ମାତୁରାମ ମୁଣ୍ଡା, ଜଗବନ୍ଧୁ ମାରାଣ୍ଡି,ଗାନେ ଟୁଡୁ,ଵାଜିନାଥ ଟୁଡୁ,ଜମା ନାଏକ,ବୁକାଇ ସୋରେନ, ବରଜୁ ମୁର୍ମୁ,ଵଳକାରାମ ମୁଣ୍ଡା ପ୍ରମୁଖ କଳାକାର ଉପସ୍ଥିତ ଥିଲେ ।
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ଙ୍କ ରିପୋର୍ଟ
