ଫଗୁଣ ର ରଙ୍ଗ ପେଡି ଖୋଲି ସାରା ଦେଶ କୁ ରଙ୍ଗ ରେ ଭିଜେଇ ଦେଇଛି ରଙ୍ଗ ର ପର୍ବ ହୋଲି । ଚାରି ଆଡ଼େ ଆଜି ଉତ୍ସବ ମୁଖର । ଇନ୍ଦ୍ରଧନୁର ସପ୍ତ ରଙ୍ଗ ପରି ରଙ୍ଗେଇ ହୋଇ ଯାଇଛି ନୂଆପଡା ର ପୁରପଲ୍ଲୀ । ମହାମାରୀ କରୋନା ଗତ ଦୁଇ ବର୍ଷ ଧରି ଏହି ଉତ୍ସବ କୁ ଫିକା କରି ଦେଇଥିବା ବେଳେ ଚଳିତ ବର୍ଷ କଟକଣା ଟିକେ କୋହଳ ହେବାରୁ ଜିଲ୍ଲା ପୁରପଲ୍ଲୀରେ ହୋଲି ପର୍ବକୁ ହର୍ଷ ଉଲ୍ଲାସର ସହ ପାଳନ କରାଯାଇଛି । ସ୍ନେହ ମମତା ଭାତୃଭାଵ ଭାଇଚାରା ର ଏହି ପର୍ବ ପାଳନ କରିଛନ୍ତି ନୂଆପଡା ବାସୀ । 
ଏହା ହିନ୍ଦୁ ଧର୍ମ ଏକ ବିଶେଷ ପର୍ବ ହୋଇଥିଲେ ହେଁ ଜାତି ଧର୍ମ ବର୍ଣ୍ଣ ନିର୍ବିଶେଷରେ ସମସ୍ତେ ଏହି ପର୍ବ କୁ ପାଳନ କରିବା କଥା ବୋଲି ବୁଦ୍ଧି ଯିବି ମାନେ ମତ ପୋଷଣ କରିଛନ୍ତି । ଏବଂ ଏହି ପର୍ବକୁ ବର୍ଷ ବର୍ଷ ଧରି ଲାଗି ରହିଥିବା ମନୋମାଳିନ୍ୟ କୁ ମଧ୍ୟ ଭୁଲି ସମସ୍ତେ ପରସ୍ପର ମଧ୍ୟରେ ଅବିର ଲଗାଇ ହୋଲି ପର୍ବକୁ ପାଳନ କରିଛନ୍ତି । ସାନ ମାନେ ଭକ୍ତିର ରଙ୍ଗ ରେ ରଙ୍ଗ ଲଗେଇ ବଡ଼ ଆଉ ଗୁରୁଜନ ମାନଙ୍କ ଠାରୁ ଆଶୀର୍ବାଦ ନେଇଥିବା ବେଳେ ବଡ଼ ମାନେ ସ୍ନେହ ଓ ଶ୍ରଦ୍ଧା ର ସହ ଛୋଟ ମାନଙ୍କୁ ଆଦର କରିଥିଲେ । ବିଭିନ୍ନ ସ୍ଥାନରେ ବିଭିନ୍ନ ସଂଗଠନ ମାନଙ୍କ ପକ୍ଷରୁ ବଜାଗାଯା ସହ ରଙ୍ଗ ଖେଲି ଥିବା ବେଳେ ଖଡ଼ିଆଳ ବ୍ଲକ ଦମପାଲା ଠାରେ ଏକ ନିଆର ରଙ୍ଗ ଖେଳ ଦେଖିବା କୁ ମିଳିଥିଲା । ଏହି ଗାଁର ଯୁବକ ଯୁବତୀ ମାନେ ମାଟି ରେ କାଦୁଅ ପ୍ରସ୍ତୁତ କରି କାଦୁଅ ବୋଲାବୋଲି ହୋଇ ଏହି ଉତ୍ସବ କୁ ପାଳନ କରିଛନ୍ତି । ମାଟିର ମଣିଷ ମାଟି ସହିତ ଜଡିତ ଏବଂ ମାଟି କାଦୁଅ କୁ ଦେହ ରେ ବୋଲିବା ଦ୍ୱାରା ବିଭିନ୍ନ ଚର୍ମ ରୋଗ ମଧ୍ୟ ଦୂର ହୁଏ ବୋଲି ସ୍ଥାନୀୟ ଯୁବକ ମାନେ ପ୍ରକାଶ କରିଛନ୍ତି । ହୋଲି ର ପୂର୍ବ ଦିନ ଅର୍ଥାତ ଦୋଳ ପୂର୍ଣ୍ଣିମା ଦିନ ଠାରୁ ମାଟି ଆଣି ପାଣି ଦେଇ କାଦୁଅ ପ୍ରସ୍ତୁତ କରି ଆଜି ସକାଳୁ ହୋଲି ପର୍ବକୁ ହର୍ଷ ଉଲ୍ଲାସ ସହ ପାଳନ କରିଥିଲେ । ନୂଆପଡା ରୁ ସୁଜିତ କୁମାର ପ୍ରଧାନ ଙ୍କ ରିପୋର୍ଟ
