କଳାହାଣ୍ଡି ଜିଲ୍ଲା ଧର୍ମଗଡ଼ ସହର ବ୍ଲକ ସଭାଗୃହ ଠାରେ ବିପିଏମୟୁ ମିଶନ ଶକ୍ତି ଧର୍ମଗଡ ପକ୍ଷରୁ ସହରାଞ୍ଚଳ ଓ ଗ୍ରାମାଞ୍ଚଳ ମିଶନ ଶକ୍ତି ମା ମାନଙ୍କୁ ନେଇ ଏକ ସଚେତନତା ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ଏହି କାର୍ଯ୍ୟକ୍ରମରେ ଭବାନୀପାଟଣା ପୌରପାଳିକା 
ପୌରଧ୍ୟକ୍ଷା ଶ୍ରୀମତୀ ସଂଯୁକ୍ତା ବେହେରା ମିଶନ ଶକ୍ତି, କଳାହାଣ୍ଡି ର ସାଧନକର୍ମୀ ଭାବରେ ଯୋଗଦେଇ ଥିଲେ ଓ ତାଙ୍କର ଦୀର୍ଘ ୨୦ ବର୍ଷ ମିଶନ ଶକ୍ତି ମାଆ ରୁ ମୁନିସିପାଲିଟି ଚେୟାରମ୍ୟାନ ହେବା ପର୍ଯ୍ୟନ୍ତର ଅନୁଭୂତି ମା ମାନଙ୍କ ସହିତ ଆଲୋଚନା କରି ସେମାନଙ୍କୁ ପ୍ରୋତ୍ସାହିତ କରିଥିଲେ l ଏହି କାର୍ଯ୍ୟକ୍ରମ ରେ ଧର୍ମଗଡ଼ର ସ୍ୱୟଂ ସହାୟକ ଗୋଷ୍ଠିମାନଙ୍କ ନିମନ୍ତେ ବ୍ୟାଙ୍କ ଋଣ ଓ ସୁଧ ଫେରସ୍ତ ବ୍ୟବସ୍ଥା କେମିତି ସୁଦୃଢ ହୋଇପାରିବ ସେହି ବିଷୟରେ ଆଲୋଚନା ହୋଇଥିଲା l ଏହି କାର୍ଯ୍ୟକ୍ରମରେ ଧର୍ମଗଡ 
ବିଧାୟକ ମୌସଧି ବାଗ ମୁଖ୍ୟ ଅତିଥି ଭାବେ ଯୋଗଦେଇ ଥିବା ବେଳେ, ବ୍ଲକ ଅଧ୍ୟକ୍ଷା ବବିତା ପଟ୍ଟଯୋଷି, ବିଡ଼ିଓ ଶରତ ଚନ୍ଦ୍ର ସେଠୀ, ସିଡ଼ିପିଓ ସୁଚରିତା ମହାପାତ୍ର, ପୁର୍ବତନ ଏନ ଏ ସି ଅଧ୍ୟକ୍ଷା ସୁଶ୍ରୀ ହୀରା ବାଗ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇ ମହିଳା ସହାୟକ ଗୋଷ୍ଠି ମାନଙ୍କ ବ୍ୟାଙ୍କ ଋଣ ଓ ସୁଧ ଫେରସ୍ତ ବ୍ୟବସ୍ଥା ଉପରେ ବୁଝାଇ ସେମାନଙ୍କୁ ଉତ୍ସାହିତ କରିଥଲେ। କାର୍ଯ୍ୟକ୍ରମରେ ସ୍ୱୟଂ ସହାୟକ ଗୋଷ୍ଠି ମାନଙ୍କୁ ବିଭିନ୍ନ ବ୍ୟାଙ୍କ ରୁ ଋଣ ପ୍ରଦାନ କରଯାଇଥିଲା।
ବିଦ୍ୟାଧର ସାହୁଙ୍କ ରିପୋର୍ଟ….
