ନର୍ଲା:( ମନିସ)କଳାହାଣ୍ଡି ଆରଣ୍ୟକ ବାରିକ ସଂଘର ଏକ ଜରୁରୀକାଳୀନ ବୈଠକ ନର୍ଲା ରୋଡ଼ ସ୍ଥିତ ବିକ୍ରମ ଲଜରେ ଜିଲ୍ଲା ସଭାପତି ବୃନ୍ଦାବନ ବାରିକଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଉକ୍ତ ବୈଠକରେ ବିଭିନ୍ନ ସମସ୍ୟାମାନ ଆଲୋଚନା ହୋଇଥିଲା। ଆଲୋଚନା ପରିଶେଷରେ ମାଣ୍ଡେଲ ଗ୍ରାମର ଲମ୍ବୋଦର ବାରିକ, ପିତା- କନ୍ଦର୍ପ ବାରିକ ଆରଣ୍ୟକ ବାରିକ ସମାଜକୁ ନିଜ ଜମିରୁ ୩ଡିସିମିଲ ଜମି ଦାନ କରିଥିବାରୁ 
ତାଙ୍କୁ ସମାଜ ତରଫରୁ ଧନ୍ୟବାଦ ଦିଆଯିବା ସହ ସମାଜ ତରଫରୁ ଉପଢ଼ୌକନ ଦେଇ ସମ୍ବର୍ଦ୍ଧନା ଦିଆଯାଇଥିଲା । ଉକ୍ତ ମଞ୍ଚରେ କଳାହାଣ୍ଡି ଜିଲ୍ଲାର ଧର୍ମଗଡ, ଭବାନୀପାଟଣା, ଗୋଲାମୁଣ୍ଡା, ମ.ରାମପୁର, କର୍ଲାମୁଣ୍ଡା ତଥା ନର୍ଲା ବ୍ଳକର ସମସ୍ତ କର୍ମକର୍ତ୍ତା ଉପସ୍ଥିତ ଥିଲେ। ବ୍ଳକ୍ ସମ୍ପାଦକ ଡିଙ୍ଗର ବାରିକ , ସଭାପତି ପ୍ରହଲ୍ଲାଦ ବାରିକ , କୋଷାଧ୍ୟକ୍ଷ କାଳିଆ ବାରିକ, ଭୁବନ୍ ବାରିକ ସମେତ ୧୦୦ରୁ ଉର୍ଦ୍ଧ୍ବ ଆରଣ୍ୟକ ବାରିକ ସମାଜର ସଦସ୍ୟ ଉପସ୍ଥିତ ଥିଲେ। ଅନ୍ତିମ ପର୍ଯ୍ୟାୟରେ ସମାଜର ଅନ୍ୟତମ ଅଜିତ୍ ବାରିକ ସମସ୍ତଙ୍କୁ ଧନ୍ୟବାଦ ଅର୍ପଣ କରି ସଭା ସାଙ୍ଗ କରିଥଲେ ।
ଦୀପକ ଠାକୁର/ପ୍ରଦୀପ କୁମାର ଗଉଡ ନର୍ଲା ମସୀହା ପ୍ରତିନିଧି
