ତେନ୍ତୁଳିଖୁଣ୍ଟି ୫/୦୮/୨୩ // ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ ଝରିଗୁମ୍ମା ର ପଞ୍ଚାନନ ମାଝୀ ଙ୍କ ପରିବାର ତଥା ଉତ୍ତରାଧିକାରୀ ନଥିବା ଛଅ ଜଣ ପ୍ରଧାନମନ୍ତ୍ରୀ ଫସଲବୀମା ଯୋଜନାରେ ପଞ୍ଜିକୃତ କରାଇ ନେଇଥିଲେ। ଏ ନେଇ ବ୍ଲକ କୃଷି ଅଧିକାରୀ ଙ୍କୁ 3 ତାରିଖ ରେ ଅଭିଯୋଗ କରିଥିଲେ। ବ୍ଲକ କୃଷି ଅଧିକାରୀ ଫସଲବୀମା କରୁଥିବା ଏଜେନ୍ସି କୁ ମେଲ କରିଥିଲେ। 24 ଘଣ୍ଟା ପର୍ଯ୍ୟନ୍ତ କୌଣସି ଉତ୍ତର କି କାର୍ଯ୍ୟାନୁଷ୍ଠାନ ନ କରିବାରୁ ପୁନର୍ବାରବ4 ତାରିଖ ସନ୍ଧ୍ୟା ରେ ମେଲ କରି ତ୍ୱରିତ ବାତିଲ ପାଇଁ ଲେଖିଥିଲେ ସହକାରୀ କୃଷି ଅଧିକାରୀ ମାନସ ରଞ୍ଜନ ନାୟକ। ଜିଲ୍ଲା ମୁଖ୍ୟ କୃଷି ଅଧିକାରୀ ଜି ଭେଙ୍କଟ ରେଡି ଓ ଜିଲ୍ଲା କୃଷି ଅଧିକାରୀ ବିଧୁଭୂଷଣ ମହାକୁଲ ମଧ୍ୟ ଏଜେନ୍ସି ସହ କାର୍ଯ୍ୟାନୁଷ୍ଠାନ ପାଇଁ ଫୋନ କରିବା ପରେ ପଞ୍ଜିକରଣ 5 ତାରିଖ ଦିନ ଗୋଟାଏ ବେଳେ ଝରିଗୁମ୍ମା ର ଖାତା ନମ୍ବର 100 ର 32 ଏକର ଜମି ଫସଲବୀମା ରେ ପଞ୍ଜିକୃତ ଜାଲ ଚାଷୀ ଙ୍କ ବୀମା ପଞ୍ଜିକରଣ ବାତିଲ କରାଯାଇଥିବା ମେଲ ବ୍ଲକ କୃଷି ବିଭାଗ କୁ ମେଲ ରେ ଏଜେନ୍ସି ର ଭୁବନେଶ୍ୱର ଆଞ୍ଚଳିକ କାର୍ଯ୍ୟାଳୟ ରୁ ମେଲ ଆସିଥିଲା। ପଞ୍ଚାନନ ଙ୍କୁ ଏ ସମ୍ପର୍କରେ ଅବଗତ କରାଇବାରୁ ବୀମା ପଞ୍ଜିକରଣ ଶେଷ ଦିବସ ରେ ପଞ୍ଚାନନ ପରିବାର ର ସାତ ଜଣ ଉତ୍ତରାଧିକାରୀ ପ୍ରଧାନମନ୍ତ୍ରୀ ଫସଲବୀମା ଯୋଜନାରେ ପଞ୍ଜିକୃତ କରିଛନ୍ତି। ଯେଉଁ ଜନସେବା କେନ୍ଦ୍ର ଦୁଇଟି ରେ ଜାଲ ଚାଷୀ ଫସଲବୀମା ପଞ୍ଜିକୃତ ହୋଇଥିଲା ସେମାନଙ୍କ ବିରୁଦ୍ଧରେ ଓ ଯେଉଁ ଜାଲ ଚାଷୀ ଙ୍କ ନାମରେ ପଞ୍ଜିକୃତ କରିଥିଲେ ସେମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ପାଇଁ ପଞ୍ଚାନନ ତେନ୍ତୁଳିଖୁଣ୍ଟି ଥାନାର ଦ୍ୱାରସ୍ଥ ହୋଇଛନ୍ତି। ଉକ୍ତ ପଞ୍ଜିକରଣ ଜୁଲାଇ 31 ତାରିଖ ରାତି 11 ବେଳେ ହୋଇ ଥିବା ଓ ପଞ୍ଜିକୃତ ଚାଷୀ ମଧ୍ୟରୁ କେବଳ ଜଣେ ଖାତାଧାରୀ ଙ୍କ ନାତି ଥିବା ବେଳେ ଅନ୍ୟମାନଙ୍କୁ ଚିହ୍ନଟ କରି କାର୍ଯ୍ୟାନୁଷ୍ଠାନ ନେଇ ଏଭଳି ଜାଲିଆତି ଆଉ କେହି ଯେପରି ନ କରିବେ ସେଥିପ୍ରତି ଦୃଷ୍ଟି ଦେବା ଉଚିତ ବୋଲି ସାଧାରଣ ରେ ମତ ପ୍ରକାଶ ପାଇଛି।
ଏ ସମ୍ପର୍କରେ ସହକାରୀ କୃଷି ଅଧିକାରୀ ମାନସ ରଞ୍ଜନ ନାୟକ ଙ୍କୁ ପଚାରିବାରୁ କହିଲେ ପ୍ରଥମତଃ ଅଭିଯୋଗକାରୀ ସଚେତନ ହୋଇ ଆମ ନିକଟକୁ ଜାଲିଆତି ସମ୍ପର୍କିତ ଅଭିଯୋଗ ଆଣିଲେ ନ ହେଲେ ଭାଗ ଚାଷୀ ଘୋଷଣାନାମା ନେଇ ଏଭଳି ଜାଲ ପଞ୍ଜୀକରଣ ହେଉଥିବ , ବାରମ୍ବାର ମେଲ ପରେ ଏଜେନ୍ସି ପ୍ରକୃତ ଚାଷୀ ଚିହ୍ନଟ ଆମ ଉପରେ ଛାଡି ଦେଇଥିଲା। ଅଭିଯୋଗକାରୀ ର ସହଯୋଗ ଯୋଗୁଁ ପୁରୁଣା ପଞ୍ଜିକରଣ ବାତିଲ କରାଯାଇ ପ୍ରକୃତ ହିତାଧିକାରୀଙ୍କ ନାମରେ ପଞ୍ଜିକରଣ ସମ୍ଭବ ହେଲା।
ଗୋବର୍ଦ୍ଧନ ସାହୁ ,ତେନ୍ତୁଳିଖୁଣ୍ଟି
