କୋକସରା,୩୨/୦୮ // କଳାହାଣ୍ଡି ଜିଲ୍ଲା କୋକସରା ଥାନା ଅନ୍ତର୍ଗତ ଟେମରା ପଞ୍ଚାୟତ ସିର୍ଲିଗୁଡା ଗ୍ରାମରେ ଗଣେଶ ପୂଜା ପ୍ରସ୍ତୁତିକୁ କେନ୍ଦ୍ର କରି ମଙ୍ଗଳବାର ଗାଁର ଜଣେ ଯୁବକ ନବ ଚନ୍ଦନ(୨୦) ବିରୋଧ କରି ଆସୁଥିଲା । ଏହାକୁ ନେଇ ଗ୍ରାମର ପୂଜା କମିଟି ପକ୍ଷରୁ ଯୁବକଙ୍କ ନାମରେ କୋକସରା ଥାନାରେ ଏତଲା ଦେଇଥିଲେ । ଯାହାକୁ ନେଇ ଯୁବକ ପ୍ରତିକ୍ରିୟାଶୀଳ ହୋଇ କୋକସରା ଥାନାରୁ ଅଭିଯୋଗ କରି ଫେରୁଥିବା ବେଳେ ତରୁଣ ମାଝୀ (୪୫)ଙ୍କ ସହ ଗାଁ ମୁଣ୍ଡରେ ଛୁରା ଧରି ଗଣ୍ଡଗୋଳ କରିବା ସହ ଆକ୍ରମଣ କରିଥିଲା । ଏଥିରେ ତରୁଣ ଗୁରୁତର ହେବାପରେ ତାଙ୍କୁ କୋକସରା ହସ୍ପିଟାଲରେ ଚିକିତ୍ସା ପରେ ଜିଲ୍ଲା ମୁଖ୍ୟ ହସ୍ପିଟାଲକୁ ସ୍ଥାନାନ୍ତର କରାଯାଇଥିଲା ।ପୋଲିସ ନିକଟରେ ଲିଖିତ ଅଭିଯୋଗ ହୋଇଥିଲା । କୋକସରା ଥାନା କେଶ ନମ୍ବର ୨୨୨/୨୩ ରେ ଏକ ମାମଲା ରୁଜୁକରି ଅଭିଯୁକ୍ତ ନବ ଚନ୍ଦନକୁ ଗିରଫ କରି ବୁଧବାର କୋର୍ଟ ଚାଲାଣ କରିଥିବା ନେଇ ତଦନ୍ତକାରୀ ପୋଲିସ ଅଧିକାରୀ ଗୋପବନ୍ଧୁ ନାଏକ ସୂଚନା ଦେଇଛନ୍ତି।
ମସିହା ନିୟୁଜ୍ ସର୍ଭିସ୍
