ଜୁନାଗଡ଼ ଏନଏସି ପକ୍ଷରୁ ସ୍ୱଚ୍ଛତା ହିଁ ସେବା କାର୍ଯ୍ୟକ୍ରମ
ସ୍ୱଚ୍ଛତାରେ ଦେଶବାସୀଙ୍କ ରୋଲମଡ଼ଲେ ସାଜିଛି ଜୁନାଗଡ଼
ଜୁନାଗଡ଼ ୧/୧୦(ମ ନି ସ) କଳାହାଣ୍ଡି ଜିଲ୍ଲା ଜୁନାଗଡ଼ ସହରରେ ଜୁନାଗଡ଼ ଏନଏସି ପକ୍ଷରୁ ଆଜି ସ୍ଵଛତା ହିଁ ସେବା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଉପଲକ୍ଷେ ଆଜି ସହରର ସମସ୍ତ ୧୨ଟି ୱାର୍ଡ ରେ ସଫେଇ କାର୍ଯ୍ୟକ୍ରମ ହୋଇଥିଲା । ଏହି କାର୍ଯ୍ୟକ୍ରମରେ ଜୁନାଗଡ଼ ନଗରପାଳ ମୂକେଶ ଅଗ୍ରୱାଲ ମୁଖ୍ୟଅତିଥି ଭାବେ ଯୋଗ ଦେଇ ସମସ୍ତ ୱାର୍ଡକୁ ଯାଇ ସଫେଇ କାର୍ଯ୍ୟକ୍ରମରେ ନିଜକୁ ସାମିଲ କରିଥିଲେ । ଗତବର୍ଷ ଯେଭଳି ଭାବରେ ଜୁନାଗଡ଼ ସ୍ୱଚ୍ଛତାରେ ସାରା ଭାରତ ବର୍ଷର ପ୍ରଥମ ସ୍ଥାନ ଅଧିକାର କରି ଚର୍ଚ୍ଚାର ପରିଧିକୁ ଆସିଥିଲା ,ଚଳିତ ବର୍ଷ ମଧ୍ୟ ସହରକୁ ସ୍ୱଚ୍ଛ ଓ ସୁନ୍ଦର ଜୁନାଗଡ଼ ଭାବେ ଗଢ଼ିତୋଳବା । ସ୍ୱଚ୍ଛତା ଯୋଗୁଁ ସହରବାସୀ ସୁସ୍ଥ ବାତାବରଣ ମଧ୍ୟରେ ଜିବନ ଯାପନ କରୁଛନ୍ତି । ବର୍ତ୍ତମାନ ସ୍ୱଚ୍ଛତା ଜୁନାଗଡ଼କୁ ନୂତନ ପରିଚୟ ଦେବା ସହ ଜୁନାଗଡ଼ ଏବେ ଦେଶବାସୀଙ୍କ ରୋଲମଡେଲ ସାଜିଛି । ଜୁନାଗଡ଼ କୁ ଅନ୍ୟମାନେ ମଧ୍ୟ ଅନୁସରଣ କରି ସ୍ୱଚ୍ଛତାରେ ସାମିଲ ହେଉଛନ୍ତି ଓ ପୁଣିଥରେ ଜୁନାଗଡ଼ ସ୍ୱଚ୍ଛ ଭାରତ କାର୍ଯ୍ୟକ୍ରମରେ ପ୍ରଥମ ସ୍ଥାନ ଅଧିକାର କରିବ ବୋଲି ନଗରପାଳ ମୂକେଶ ଅଗ୍ରୱାଲ ନିଜ ବକ୍ତବ୍ୟରେ କହିଥିଲେ । ଏହି କାର୍ଯ୍ୟକ୍ରମରେ ଏନଏସି କାର୍ଯ୍ୟନିର୍ବାହୀ ଅଧିକାରୀ ପ୍ରମେଲାଲ ହିଆଲ, ଉପନଗରପାଳ ହିମାଦ୍ରୀ ନାଏକ, ସମସ୍ତ କାଉନସିଲର, ୱାର୍ଡ ଅଫିସ, ୱାର୍ଡ ସଂଯୋଜକ, ସଫେଇ କର୍ମଚାରୀ, ସ୍ଵଚ୍ଛସାଥୀ ସମେତ ସମସ୍ତ କର୍ମଚାରୀ ଉପସ୍ଥିତ ଥିଲେ ।
ଜୁନାଗଡ ରୁ ନରେନ୍ଦ୍ର ଖିତି ଙ୍କ ରିପୋର୍ଟ
