ଭୈରବ ସ୍ନାତକ ମହାବିଦ୍ୟାଳୟ ରେ ସାଂସ୍କୃତିକ ଓ କ୍ରୀଡା ଉତ୍ସବ ଅନୁଷ୍ଠିତ
ଡାବୁଗାଁ, ୨୦/୧୦ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ଭୈରବ ସ୍ନାତକ ମହାବିଦ୍ୟାଳୟ ରେ ରାଜ୍ୟ ଉଚ୍ଚଶିକ୍ଷା ବିଭାଗର ନିର୍ଦ୍ଦେଶ କ୍ରମେ କ୍ରୀଡା ଓ ସାଂସ୍କୃତିକ କାର୍ଯ୍ୟକ୍ରମ ଶୁକ୍ରବାର ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଭୈରବ ସ୍ନାତକ ମହାବିଦ୍ୟାଳୟ ର ଅଧ୍ୟକ୍ଷ ଶଙ୍କର ପ୍ରସାଦ ଗନ୍ତାୟତ ଯୋଗ ଦେଇ କହିଲେ ଶିକ୍ଷା ରେ କ୍ରୀଡା ଓ ସାଂସ୍କୃତିକ କାର୍ଯ୍ୟକ୍ରମ ଗୁରୁତ୍ଵ ଅଟେ ତେଣୁ ଶିକ୍ଷା ଏକ ମାଧ୍ୟମ ଯାହା ଦ୍ଵାରା ଉଭୟ ଦେଶ ଓ ସଂସ୍କୃତି କୁ ସମ୍ମାନ ଦେବା ଦରକାର ତେଣୁ ଏହି 
କାର୍ଯ୍ୟକ୍ରମ ଟି ଗୁରୁତ୍ଵ ପୂର୍ଣ୍ଣ ବୋଲି ନିଜ ବକ୍ତବ୍ୟରେ କହିଲେ । ଏହି କାର୍ଯ୍ୟକ୍ରମରେ କ୍ରୀଡା ପ୍ରତିଯୋଗିତା ରେ ୧୦୦ମି,୨୦୦ମି,୪୦୦ମି ଓ ୮୦୦ମିଟର ଦୌଡ, ସର୍ଟ ଫୁଟ, ଡିସ କସ, ଲମ୍ବ ଡିଆଁ, କବାଡି, ଫୁଟବଲ ଓ କ୍ରିକେଟ ଆଦି ମହାବିଦ୍ୟାଳୟ ର ଛାତ୍ରୀ ଛାତ୍ର ଙ୍କୁ ନେଇ ଅନୁଷ୍ଠିତ ହୋଇଯାଇଛି । ସାଂସ୍କୃତିକ କାର୍ଯ୍ୟକ୍ରମ ରେ ସଙ୍ଗୀତ, ନୃତ୍ୟ, ଏକକ ଅଭିନୟ, ପ୍ରବନ୍ଧ ଓ ତର୍କ ଆଦି ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଛି । ଏହି ସାଂସ୍କୃତିକ କାର୍ଯ୍ୟକ୍ରମ ସମ୍ପୂର୍ଣ୍ଣ ଭାରତୀୟ ଶାସ୍ତ୍ରୀୟ, ଆଧୁନିକ ଓ ଲୋକ ସଂସ୍କୃତି ଉପରେ ଆଧାରିତ ହୋଇଥିଲା । ଏହି କାର୍ଯ୍ୟକ୍ରମରେ ପ୍ରଥମ, ଦ୍ଵିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ଛାତ୍ରୀ ଛାତ୍ର ଙ୍କୁ ପୁରସ୍କୃତ କରାଯାଇଥିଲା । ନୃତ୍ୟ ଓ ସଙ୍ଗୀତର ବିଚାରକ ଭାବେ ଭୈରବ ସ୍ନାତକ ମହାବିଦ୍ୟାଳୟ ଅର୍ଥନୀତି ବିଭାଗୀୟ ମୁଖ୍ୟ ଉର୍ମିଳା ବ୍ରହ୍ମା ଓ ଓଡ଼ିଆ ବିଭାଗୀୟ ମୁଖ୍ୟ ଚନ୍ଦନା ପଣ୍ଡା ଯୋଗ ଦେଇଥିଲେ । କାର୍ଯ୍ୟକ୍ରମ ରେ ଉପସ୍ଥିତି ଥିଲେ ଅଧ୍ୟାପିକା ପୁଷ୍ପାଞ୍ଜଳି ସାହୁ, ମନିଷା ସରକାର, ଅଧ୍ୟାପକ ଦୟାରାମ ମନୋହର, ମେକ୍ସ ନାୟକ, ସନ୍ୟାସୀ ସାହୁ ଓ ମହେନ୍ଦ୍ର ଦେବରପଲ୍ଲୀ ଯୋଗ ଦେବା ସହ ସମସ୍ତ ଛାତ୍ରୀ ଛାତ୍ର ଉପସ୍ଥିତ ଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
