ଡାବୁଗାଁ ରେ ବିଜୟା ଦଶମୀରେ ରାବଣ ପୋଡି
ଡାବୁଗାଁ, ୨୫/୧୦ (ମ.ନି.ସ.)- ନବରଙ୍ଗପୁର ଜିଲାର ଡାବୁଗାଁ ବ୍ଳକ ସଦର ମହକୁମା ସାର୍ବଜନୀନ ଦୁର୍ଗା ପୂଜା କମିଟି ତରଫରୁ ମେଦେନା ଯିବା ରାସ୍ତା ପାର୍ଶ୍ଵରେ ଥିବା ମିନି ଷ୍ଟାଡିୟମ୍ ରେ ବିଜୟା ଦଶମୀ ଉପଲକ୍ଷେ ମଙ୍ଗଳବାର ରାତିରେ ଦଶାନନ ରାବଣ ପୋଡି ର ଆୟୋଜନ କରାଯାଇଥିଲା l ଉକ୍ତ ରାବଣ ପୋଡି ଦେଖିବା ପାଇଁ ଡାବୁଗାଁ ବ୍ଳକ ବହୁ ଗ୍ରାମରୁ ବହୁ ସଂଖ୍ୟାରେ ଜନସାଧାରଣ 
ପ୍ରାୟ ଦଶ ହଜାର ରୁ ଊର୍ଦ୍ଧ୍ଵ ଜନସମାଗମ ହୋଇ ଷ୍ଟାଡିୟମଟି ଲୋକାରଣ୍ୟ ହୋଇ ଉଠିଥିଲା l ଦୁର୍ଗତିନାଶିନୀ ମା ଦୁର୍ଗାଙ୍କୁ ଦର୍ଶନ କରି ସାରି ରାତ୍ର ଅ।ଠ ଘଣ୍ଟା ସମୟରେ ଏହି ଷ୍ଟାଡିୟମ୍ ନିକଟରେ ପହଞ୍ଚି ରାବଣ ପୋଡି ଦେଖିବାର ମଜା ନେଇଥିଲେ l ରାବଣ ପୋଡି ସରିବା ପରେ ପରେ ବିଭିନ୍ନ ପ୍ରକାରର ବାଣ ପ୍ରାୟ ଏକ ଘଣ୍ଟା ଧରି ଫୁଟା ଯାଇଥିଲା l ବାଣ ଶବ୍ଦରେ ଗଗନ ପବନ ମୁଖରିତ ହୋଇ ଉଠିଥିଲା l ଥାନା ଅଧିକାରୀ ସୁନୀଲ କୁମାର ପ୍ରଧାନ ଙ୍କ ନିର୍ଦ୍ଦେଶ କ୍ରମେ ଉକ୍ତ ଷ୍ଟାଡିୟମ୍ ଭିତରେ ବାହାରେ ବ୍ୟାପକ ପୋଲିସ ମୁତୟନ କରି ଶାନ୍ତି ଶୃଙ୍ଖଳା ବଜାୟ ରଖିଥିଲେ l କମିଟିର କର୍ମକର୍ତ୍ତା ଙ୍କ ଦ୍ଵାରା ରାବଣ ପୋଡି ପରିଚାଳନା କରଯାଇଥିଲା l
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
