ଡାବୁଗାଁ ବ୍ଲକରେ ଶିଶୁ ଦିବସ ପାଳିତ
ଡାବୁଗାଁ, ୧୪/୧୧ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧୀନ ବିଭିନ୍ନ ଶିକ୍ଷାନୁଷ୍ଠାନରେ ମଙ୍ଗଳବାର ଶିଶୁ ଦିବସ ପାଳିତ ହୋଇଯାଇଛି | ଏଥିରେ ଡାବୁଗାଁ ବ୍ଲକ ଅଧୀନ ଜିଲା ଅନୁସୂଚିତ ଜନଜାତି ଓ ଜାତି ଉନ୍ନୟନ ବିଭାଗ ଦ୍ଵାରା ପରିଚାଳିତ ଡାବୁଗାଁ ସରକାରୀ ବାଳିକା ଉଚ୍ଚ ମାଧ୍ୟମିକ ବିଦ୍ୟାଳୟଠାରେ ଶିଶୁ ଦିବସ ପାଳିତ ହୋଇଯାଇଛି | ଏଥିରେ ଶିକ୍ଷୟତ୍ରୀ ଶିକ୍ଷକ ଓ ଛାତ୍ରୀ ମାନେ ପୂର୍ବତନ ପ୍ରଧାନ ମନ୍ତ୍ରୀ ପଣ୍ଡିତ ଜବାହରଲାଲ ନେହେରୁ ଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ କରି ସ୍ମୃତିଚାରଣ 
କରିଥିଲେ | ପରେ ଛାତ୍ରୀ ମାନେ କେକ କାଟି ଶିଶୁ ଦିବସ ପାଳନ କରିଥିଲେ | ପରେ ଚାଚା ନେହେରୁ ଙ୍କ ଜୀବନୀ ବିଷୟରେ ଛାତ୍ରୀ ମାନେ ଭାଷଣ ଦେଇଥିଲା | ଏଥିରେ ବିଦ୍ୟାଳୟ ପ୍ରଧାନ ଶିକ୍ଷୟତ୍ରୀ ଆରତୀ ବିଶୋୟୀ ପଣ୍ଡିତ ନେହେରୁ ଙ୍କ ଜୀବନୀ ଓ ଶିଶୁ ଦିବସ ପାଳନ ମହତ୍ଵ ଉପରେ ଛାତ୍ରୀମାନଙ୍କୁ ବୁଝାଇଥିଲେ | ଏଥିରେ ଶିକ୍ଷକ ମହେଶ୍ଵର ନାଥ ସଭା ପରିଚାଳନା କରିଥିଲେ | ଏଥିରେ ସମସ୍ତ ଶିକ୍ଷୟତ୍ରୀ ରଶ୍ମିରାଣୀ ପଣ୍ଡା, କେ. ଦମୟନ୍ତୀ ଦୋରା,ସୁନାମଣୀ ପୂଜାରୀ, କଲ୍ପନା ଉଥାନସିଂ, ସୁଦେସ୍ନା ଜତି, ବିନୀତା ଠାକୁର, ସୁପ୍ରିୟା ମହାଙ୍କୁଡ, ଇତିଶ୍ରୀ ପ୍ରଧାନ, ରଶ୍ମୀରଞ୍ଜିତା ନାୟକ, ଶିକ୍ଷକ ସୋମ୍ୟରଞ୍ଜନ ନାୟକ ଓ ଛାତ୍ରୀ ମାନେ ଉପସ୍ଥିତ ଥିଲେ | ସେହିପରି ବଡଓଲମା ଆଶ୍ରମ ବିଦ୍ୟାଳୟ-୧ ଓ ବଡଓଲମା ଆଶ୍ରମ ବିଦ୍ୟାଳୟ-୨, କୋଇଲାରି କସ୍ତୁରବା ଗାନ୍ଧୀ ବାଳିକାବିଦ୍ୟାଳୟ, ବୋରିପଦର ଆଶ୍ରମ ବିଦ୍ୟାଳୟ ଓ ବିଭିନ୍ନ ବିଦ୍ୟାଳୟରେ ଶିଶୁ ଦିବସ ପାଳିତ ହୋଇଯାଇଛି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
