୪ ଛାତ୍ର ରାଜ୍ୟସ୍ତରୀୟ ଫୁଟବଲ ଖେଳ ନିମନ୍ତେ ମନୋନୀତ
ରାଉରକେଲା/ ସରକାରୀ ଉଚ୍ଚ ବିଦ୍ୟାଳୟ,ଆର୍ ଇ ସି କ୍ୟାମ୍ପସ, ଏନ୍ ଆଇ ଟି ରାଉରକେଲା ର ଦଶମ ଶ୍ରେଣୀ ର ୪ ଜଣ ଛାତ୍ର ସର୍ବଶ୍ରୀ ବସନ୍ତ ହେମ୍ବ୍ରମ, ପ୍ରଶାନ୍ତ ଡୁଙ୍ଗଡୁଙ୍ଗ,ସାହିଲ ସୋରେନ୍, ରୋହିତ କୁମ୍ଭାର ରାଜ୍ୟସ୍ତରୀୟ ଫୁଟବଲ୍ ଖେଳ ନିମନ୍ତେ ମନୋନୀତ ହୋଇଥିବାରୁ ବିଦ୍ୟାଳୟ ର ପ୍ରଧାନ ଶିକ୍ଷୟିତ୍ରୀ ସୁଦିପ୍ତା ବେହେରା,ଖେଳ ଶିକ୍ଷକ ଅଜୟ କୁମାର ରାଉତ ତଥା ଅନ୍ୟାନ୍ୟ ଶିକ୍ଷକ ଶିକ୍ଷୟିତ୍ରୀ, ଛାତ୍ର ଛାତ୍ରୀ ଙ୍କ ତରଫରୁ ଶୁଭେଚ୍ଛା ବାର୍ତ୍ତା ପ୍ରଦାନ କରାଯାଇଛି । ଉପରୋକ୍ତ ଛାତ୍ର ମାନେ କେବଳ ଆର୍ ଇ ସି କ୍ୟାମ୍ପସ ଉଚ୍ଚ ବିଦ୍ୟାଳୟ ନୁହେଁ ତାସହିତ ପୁରା ସୁନ୍ଦରଗଡ ଜିଲ୍ଲା ପାଇଁ ଗୌରବ ଆଣିଛନ୍ତି। ସେମାନେ ପ୍ରଥମେ ନିଜ ସ୍କୁଲ ପରେ ବ୍ଲକ୍ ଓ ଜିଲ୍ଲା ସ୍ତରରେ ସମସ୍ତ ଖେଳାଳି ମାନଙ୍କ ମଧ୍ୟରେ ପ୍ରତିଯୋଗିତା କରି ରାଜ୍ୟସ୍ତରୀୟ ଖେଳିଵା ପାଇଁ ମନୋନୀତ ହୋଇଛନ୍ତି। ମନୋନୀତ ଖେଳାଳି ୧୬ତାରିଖ ରେ କଟକ ଓ ପରେ ଜାତୀୟ ସ୍ତରରେ ଆଣ୍ଡମାନ ଠାରେ ଆସନ୍ତା ଡିସେମ୍ବର ରେ ଅନୁଷ୍ଠିତ ହେବାକୁ ଥିବା ଫୁଟବଲ ପ୍ରତିଯୋଗିତା ରେ ଭାଗନେବେ। ବିଦ୍ୟାଳୟର ଛାତ୍ର ମାନଙ୍କ ଏହି ସଫଳତାରେ ସମସ୍ତ ଶିକ୍ଷକ ଶିକ୍ଷୟିତ୍ରୀ , ଅଭିଭାବକ ମହଲରେ ଖୁସି ର ବାତାବରଣ ଖେଳିଯାଇଛି।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
