ପୁର୍ବତନ ଯୁବ ବିଜେଡି ସଭାପତିଙ୍କ ବିୟୋଗ
ପାପଡାହାଣ୍ଡି 6/2, ମନିସ — ମଙ୍ଗଳବାର ଅପରାହ୍ନରେ ପାପଡାହାଣ୍ଡି ବ୍ଲକର ପୂର୍ବତନ ବ୍ଲକ ଯୁବ ବିଜେଡି ସଭାପତି ତଥା ପୂର୍ବତନ ବ୍ଲକ ଖବରଦାତା ତଥା ସମାଜସେବୀ ଜଟାବାଲ ବାସିନ୍ଦା ସେଖ ଇକବାଲ (ଇକୁ ) ଙ୍କ ଦେହାନ୍ତ ହୋଇଯାଇଛି | ସେ ଜଣେ ପରପୋକାରି , ମେଳାପୀ ଏବଂ ଧର୍ମନିରପେକ୍ଷ ଯୁବକ ଭାବେ ପାପଡାହାଣ୍ଡି ବ୍ଲକରେ ପରିଚିତ ଥିଲେ | ଜଣେ ମୁସଲମାନ ସମ୍ପରଦାୟ ହୋଇବି ପ୍ରତ୍ୟେକ ହିନ୍ଦୁ ପର୍ବ ପର୍ବାଣି ରେ ସେ ଆଗଭର ହୋଇ କାର୍ଯ୍ୟ ସମ୍ପନ୍ନ କରୁଥିଲେ | ଗଣେଶ ପୂଜା, ଗ୍ରାମ ଠାକୁରାଣୀ ଯାତ୍ରା ଆଦିରେ ସେ ସଭାପତି ହୋଇ କାର୍ଯ୍ୟ ତୁଲାଉଥିଲେ | ଏ ଅଂଚଳ ରେ ଯେଉଁ ବ୍ୟକ୍ତି ଙ୍କୁ ରକ୍ତ ଦରକାର ସଙ୍ଗେ ସଙ୍ଗେ ଯାଇ ପହଞ୍ଚିଯାଉଥିଲେ | ବିଗତ କିଛି ଦିନ ହେଲା ସେ ଜଣ୍ଡିସରେ ରୋଗାଗ୍ରସ୍ତ ହୋଇପଡ଼ିଥିଲେ | ଅନେକ ଡାକ୍ତରଖାନା ରେ ତାଙ୍କର ଉପଚାର କଲାପରେ ମଧ୍ୟ କିଛି ସୁଫଳ ମିଳିନଥିଲା ବୋଲି ତାଙ୍କ ବଡଭାଇ ସେକ ଫାରୁଖ ସୂଚନା ଦେଇଛନ୍ତି | ଆଜି ସକାଳୁ ତାଙ୍କ ଦେହ ବିଗିଡ଼ିବାରୁ କୋରାପୁଟ ଜିଲ୍ଲା ସ୍ୱାସ୍ଥ୍ୟ କେନ୍ଦ୍ର କୁ ନେବା ସମୟରେ ତାଙ୍କ ବାଟରେ ଦେହାନ୍ତ ହୋଇଯାଇଥିଲା | ଏହି ସକ ଖବର ପ୍ରଚାର ହେବା ପରେ ଏ ଅଞ୍ଚଳ ରେ ଶୋକର ଛାୟା ଖେଳିଯାଇଛି | ଅନେକ ଆଗଧାଡିର ବିଜେଡି ନେତୃମଣ୍ଡଳ ତାଙ୍କୁ ଶେଷ ଦର୍ଶନ କରି ଶୋକ ସନ୍ତପ୍ତ ସମ୍ପନ୍ନ ପରିବାର କୁ ସମବେଦନା ଜଣାଇଛନ୍ତି | ତାଙ୍କ ମର ଶରୀରକୁ ସ୍ଥାନୀୟ କବରୀସ୍ତାନ ରେ କବର ଦିଆଯିବ ବୋଲି ପରିବାର ଲୋକେ ସୂଚନା ଦେଇଛନ୍ତି |
ପାପଡାହାଣ୍ଡି ରୁ ସ୍ଵପ୍ନ ଜିତ ପଟ୍ଟନାୟକ ଙ୍କ ରିପୋର୍ଟ୍
