ଜ୍ଞାନ ମାନ ସ୍ଥାନ
ସୁଜାତା ରାଣୀ ଶତପଥୀ
ଜ୍ଞାନ ମାନ ସ୍ଥାନ ଯୋଗ୍ୟତା ସମ୍ମାନ
ବଢାଇବ ସୌନ୍ଦର୍ଯ୍ୟତା
ନିକଟେ ନ ରହି ପରୋପକାରରେ
ହୋଇଲେ ଉପକାରିତା l
ପ୍ରଭୁ ସୃଷ୍ଟିକର୍ତ୍ତା ଦେଲେ ସେହି ବାର୍ତ୍ତା
ଲଗାଇବି ମୁଁ କର୍ମରେ
ଅଭାବରେ ଆପେ ଜୀବନଧାରଣେ
ଲାଗୁଥିବ ସାହାଯ୍ୟରେ l
ଜ୍ଞାନ ସଂଚରଣେ ପ୍ରଶସ୍ତିକରଣେ
ଗତିଜରେ ଲମ୍ବା ରାସ୍ତା
ଅମର ଅସ୍ତିତ୍ୱେ ଅନବରତରେ
ପଥେ ନ ହେବ ହୀନସ୍ତା l
ଅମୀୟ ସମାନ ସମ୍ମାନ ଜୀବନ
ସଂସାରେ ହୁଏ ସାର୍ଥକ
ବୈଶିଷ୍ଟ୍ୟ ନ ଥିଲେ ମାନବିକତାରେ
ଓଜନେ ନୁହେଁ ଅଧିକ l
ଗୁଣ ଗୁଣିତକେ ବହୁ ଗୁଣ ହେଲେ
ବଂଶଧାରା ଉଜ୍ଜ୍ୱଳିତ
ପ୍ରମୁଖ ଗୁଣର ନାମ ବିବେଚିତେ
ସୁଲଭିତ ଭବିଷ୍ୟତ l
ଧନ ପ୍ରତୀକ୍ଷାରେ ସମ୍ମାନ ନ ରହି
ଆସେ କର୍ମ ଭାଗ୍ୟ ସାଥେ
ସମ୍ମାନ ଆସିବା ପରେ ପହଞ୍ଚିବ
ସମ୍ମାନର ପଥେ ପଥେ l
କର୍ମ ଧର୍ମ ଚିନ୍ତା କରିବ ଅହନ୍ତା
ଅସତ୍ୟର ମାର୍ଗେ ଗଲେ
ଶ୍ରମ ସହ କର୍ମ ବିବେକ ପାଳନେ
ସତପଥେ ଗମନ କଲେ l
ଶିକ୍ଷୟିତ୍ରୀ
ଦିଗପହଣ୍ଡି
ଗଞ୍ଜାମ
