ଭୁଲିବିନି ତୁମକୁ

 

ସହଦେବ ପରିଡ଼ା

 

କିପରି ଭୁଲିବି କୁହ

ତୁମେ ମୋ ଜନ୍ମ ଦାତ୍ରି

ତୁମରି ପାଇଁ ଦେଖି ଲି

ଏ ସୁନ୍ଦର ଦୁନିଆକୁ ।

ତୋରି ପଣତ ଧରି

ଶିଖିଛି ମୁଁ ଚାଲି

ତୋର ଇସରାରେ

ସଭିଙ୍କୁ ଚିହ୍ନଗଲି ।

ତୋହରି କୋଳରେ

ଶୋଇଲି ଆନନ୍ଦେ

ମହାପ୍ରଭୁଙ୍କ ର ନାମ

ଶୁଣିଛି ତୋ ତୁଣ୍ଡେ ।

ମହାପୁରୁଷଙ୍କ କଥା 

ଶୁଣାଇଛୁ ମୋତେ

ଭଲମଣିଷ ହେଵାକୁ

ଶିକ୍ଷା ଦେଲୁ ଯେତେ ।

ଅଳି କଲେ ଗେଲ କରି

ଵୁଝାଇ ତୁ ଦେଉ

ବାପାଙ୍କ ଠାରୁ ମୋ ପାଇଁ

ଗାଳି ତୁହି ସହୁ ।

ସଦା ବେଳେ ମୋହ ପାଇଁ

ଠାକୁର ଙ୍କୁ ଡାକୁ

ଭଲ ମଣିଷ ହଜଵା ଲାଗି

ଦିଅ ଦେବତାଙ୍କୁ ପୂଜୁ ।

ନିଜେ ନଖାଇ ମୋତେ

ପେଟ ପୁରା ତୁ ଖୁଆଉ

ଦେହ ଅସୁସ୍ଥ ହୋଇଲେ

ଠାକୁରଙ୍କ ପାଖେ ମାନସିକ କରୁ ।

ମୋର ସୁଖରେ ତୁ ହସୁ

ଦୁଖଦ ସମୟେ ମା ଗୋ

ଧୈର୍ଯ୍ୟ ଦମ୍ଭ ଦେଇ ତୁମେ

ମୁହେଁ ହସ ତୁ ଫୁଟାଊ।

ତୁହି ମୋ ଆଶା ଭରଷା

ତୁମେ ମୋର ଶକ୍ତି

ତୋର ପୂଜା କରୁ ଥିଵି

କି ଦିବସ ରାତି ।

କୋଷାଗୁମୁଡା,ନବରଙ୍ଗପୁର