ଖଇରା ମହାବିଦ୍ୟାଳୟର NCC Unitର ଆଲୋଚନା ଚକ୍ର
ବାଲେଶ୍ଵର,୧୨/୪/୨୪- ବାଲେଶ୍ଵର ଜିଲ୍ଲା ଖଇରା ମହାବିଦ୍ୟାଳୟର NCC Army Unit ର ତୃତୀୟ ବର୍ଷ ଛାତ୍ରଛାତ୍ରୀଙ୍କ ବିଦାୟ ସଭା ଉଦ୍ଦେଶ୍ୟରେ A Day For Nation ଶୀର୍ଷକରେ ଏକ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି । ଏହି ଆଲୋଚନା ଚକ୍ରରେ ମହାବିଦ୍ୟାଳୟର ଅଧ୍ଯାପକ ତଥା NCC ଅଧିକାରୀ ଲେଫ୍ଟନାଣ୍ଟ ଡ. ଉଦୟ ରଞ୍ଜନ ଦାସ ଅତିଥି ପରିଚୟ ପ୍ରଦାନ କରିବା ସହିତ ବିଷୟର ଉପସ୍ଥାପନା କରିଥିଲେ । ମହାବିଦ୍ୟାଳୟ ପରିଚାଳନା କମିଟିର ସଭାପତି ତଥା ପୂର୍ବତନ ଅଧ୍ୟକ୍ଷ ପ୍ରଫେସର ମୁକ୍ତିକାନ୍ତ ଶତପଥୀ ସଭାପତିତ୍ବ କରିଥିଲେ । ମୁଖ୍ୟ ଅତିଥି ତଥା ବକ୍ତା ଭାବରେ ଭାରତୀୟ ସେନାର ଅବସରପ୍ରାପ୍ତ କର୍ଣ୍ଣେଲ କ୍ଷେତ୍ରମୋହନ ମହାପାତ୍ର ଯୋଗଦେଇ ଦେଶସେବା କରିବା ଓ ସେନା ବାହିନୀ ଯୋଗଦେବା ପାଇଁ ପ୍ରେରଣା ଦେଇଥିଲେ । ଇତିହାସ ବିଭାଗର ଅଧ୍ଯାପକ ଡ. ସୁଜିତ କୁମାର ଛାଟିଆ ଶୃଙ୍ଖଳିତ ହେବା ଓ ଦେଶମାତୃକାର ସେବା କରିବା ପାଇଁ ଉତ୍ସାହିତ କରିଥିଲେ । ଏହି ଅବସରରେ NCC Unit ତରଫରୁ କର୍ଣ୍ଣେଲ ଶ୍ରୀ ମହାପାତ୍ରଙ୍କୁ ସମ୍ବର୍ଦ୍ଧନା କରିବା ସହିତ ଭାରତୀୟ ସେନାରେ ଅଗ୍ନିବୀର ଭାବରେ ମନୋନୀତ ହୋଇଥିବା NCC Cadet ଓ କଲେଜର ଛାତ୍ର ମାନଙ୍କୁ ସମ୍ବର୍ଦ୍ଧନା ଦିଆଯାଇଥିଲା । ଶେଷରେ ଲେଫ୍ଟନାଣ୍ଟ ଡ. ଦାସ ଧନ୍ୟବାଦ ଅର୍ପଣ କରିଥିଲେ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
