କବି ଭାରତୀ ସ୍ବର୍ଗତ ବାସୁଦେବ ପlତ୍ରଙ୍କୁ ଶ୍ରଦ୍ଧାଞ୍ଜଳି
ରାୟଗଡ ତା ୨୦/୦୫/୨୦୨୪ରିଖ ଦିନ ରାୟଗଡ ଜିଲ୍ଲା ସୂଚନା ଓ ଲୋକ ସମ୍ପର୍କ ଓ ସଂସ୍କୃତି ବିଭାଗ ତରଫରୁ ସୂଚନା ଓ ଲୋକ ସମ୍ପର୍କ ବିଭାଗର ପୂର୍ବତନ ଭଣ୍ଡାର ରକ୍ଷକ, କବି, ସାହିତ୍ୟିକ, ସମ୍ପାଦକ ତଥା କବି ଭାରତୀ ସ୍ୱର୍ଗତ ବାସୁଦେବ ପାତ୍ରଙ୍କ ଶ୍ରଦ୍ଧାଞ୍ଜଳି ସଭା ଅନୁଷ୍ଠିତ ହୋଇଥିଲା । ସ୍ଥାନୀୟ ସଂସ୍କୃତି ଭବନ ପରିସରରେ ସୂଚନା ଓ ଲୋକ ସମ୍ପର୍କ ବିଭାଗ ଉପ ନିର୍ଦ୍ଦେଶକ ବସନ୍ତ କୁମାର ପ୍ରଧାନଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ଲୋକ ସମ୍ପର୍କ ବିଭାଗ ପୂର୍ବତନ ଯୁଗ୍ମ ନିର୍ଦ୍ଦେଶକ ଜଳନ୍ଧର ପୁଷିକା, ଜିଲ୍ଲା ସଂସ୍କୃତି ଅଧିକାରୀ ସୁସ୍ମିତା ବାଉରୀ ଅତିଥି ଭାବେ ଯୋଗ ଦେଇଥିଲେ । କେନ୍ଦ୍ରାପଡା ଜିଲ୍ଲାରୁ ୧୯୭୫ ମସିହାରୁ ରାୟଗଡ ଆସି ଜିଲ୍ଲା ସୂଚନା ଓ ଲୋକ ସମ୍ପର୍କ କାର୍ଯ୍ୟାଳୟରେ ଭଣ୍ଡାର ରକ୍ଷକ ଭାବେ କାର୍ଯ୍ୟ କରୁଥିଲେ । ସ୍ୱର୍ଗତ ପାତ୍ର ଏକାଧାରରେ ଜଣେ କବି, ସାହିତ୍ୟିକ, ସମ୍ପାଦକ ହେବା ସହ ଅଭିନୟରେ ମଧ୍ୟ ରୁଚି ରଖିଥିଲେ । ଶ୍ରୀ ପାତ୍ର ଆମ ଜ୍ୟୋସ୍ନା ନାମକ ପତ୍ରିକା ପ୍ରକାଶନ କରି ବିଭିନ୍ନ ବର୍ଗର କବିଙ୍କୁ ନିଜର କରି ପାରିଥିଲେ । ବିଭିନ୍ନ ସଭା ସମିତିର ସଂଯୋଜକ ଭାବେ ଯୋଗଦେଇ କଳା ସାହିତ୍ୟ ସଂସ୍କୃତିକୁ ସୁଦୃଢ଼ କରିବା ନିମନ୍ତେ ଆହ୍ବାନ ଦେଉଥିଲେ । ଦକ୍ଷିଣ ଓଡ଼ିଶା ସାହିତ୍ୟ ପରିଷଦ ଭଳି ବିଭିନ୍ନ ଅନୁଷ୍ଠାନରୁ ସମ୍ମାନିତ ହୋଇଥିଲେ । କର୍ତ୍ତବ୍ୟ ସହ ସାହିତ୍ୟ ସୃଷ୍ଟିରେ ସେ କେବେବି ଅବସାଦ ହୋଇନଥିଲେ । ତେଣୁ ତାଙ୍କୁ କବି ଭାରତୀ ସମ୍ମାନରେ ସମ୍ମାନିତ କରାଯାଇଥିଲା । ଆଜିର ଏହି କାର୍ଯ୍ୟକ୍ରମରେ କ୍ଷିପ୍ର ଲେଖିକା କୁମୁଦିନି ମିଶାଲ, ଗ୍ରନ୍ଥାଗାରିକ ଡମ୍ବରୁ ଧର ପଣ୍ଡା, ସୁବାସ କେର୍କେଟା, ସଂସ୍କୃତି ବିଭାଗ ଗ୍ରନ୍ଥାଗାରିକ ମରିୟମ କିରୋ, କନିଷ୍ଠ କିରାଣୀ ମନୀଷା ଚୌଧୁରୀ , ସହକାରୀ ସଂଚାଳକ ସମ୍ରାଟ ସାହୁ, ରାଜେନ୍ଦ୍ର ଦୋରା ପ୍ରମୁଖ ଉପସ୍ଥିତ ରହି ସ୍ୱର୍ଗତ ପାତ୍ରଙ୍କ ସ୍ମୃତି ଚାରଣ କରିଥିଲେ । ସେହିପରି ଗୁଣପୁର ସୂଚନା କେନ୍ଦ୍ର ପରିସରରେ ମଧ୍ୟ ସ୍ମୃତି ସଭା ଅନୁଷ୍ଠିତ ହୋଇଥିଲା । ଉପଖଣ୍ଡ ସୂଚନା ଓ ଲୋକ ସମ୍ପର୍କ ଅଧିକାରୀ ଧନଞ୍ଜୟ ବେହେରାଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ଅନନ୍ତ ପାତ୍ର ଓ ପାଠକ ସମୂହ ଯୋଗ ଦେଇଥିଲେ ।
ଗୌରୀ ଶଙ୍କର ପଟ୍ଟନାୟକ ଙ୍କ ରିପୋର୍ଟ୍
