ଉତ୍ତମ

ଉତ୍ତମ କାମନା ଉତ୍ତମ ଭାବନା

         ଉତ୍ତମ ଯାର ଚିନ୍ତନ

ଜଗତେ ଶ୍ରେଷ୍ଠ ସେ ତେଷେ ସବୁପ୍ରାଣ

          ଲଭଇ ଉଚ୍ଚ ଆସନ ॥

ଉତ୍ତମ କହିବା ଦେଖିବା ଶୁଣିବା

            ଭଲଗୁଣ ନିରବତା

ଗାନ୍ଧୀ ମହାତମା ତିନି ମାଙ୍କଡ଼ଙ୍କ

          ମାଧ୍ଯମେ ଦେଲେ ବାରତା ॥

କହିବା ଠାରୁଟି କରେଯେ ଉତ୍ତମେ

         କର୍ମ ବୀର ସେଇ ଅଟେ

ଅକର୍ମା ଅଧମ ହୁଏନି ଉତ୍ତମ

        ଜୀବନର ଚଲା ବାଟେ ॥

ଉତ୍ତମ ସଂସ୍କାର ନାହିଁ ଯାହା ଠାରେ

          ବିପଥର ହୁଏ ଯାତ୍ରୀ

ସାଧୁ ସଙ୍ଗ ନାହିଁ ଜୀବନେ ଯାହାର

           ସାଥି ତାର କାଳରାତ୍ରୀ ॥

ସାତ୍ତ୍ଵିକ ଭୋଜନେ ଇଶ୍ଵର ଚିନ୍ତନେ

           ଇନ୍ଦ୍ରିୟ ଦମନ ହୁଏ

ସଂସାର ଯାତ୍ରାରେ ଉତ୍ତମ ପଥରେ

        ମାନବକୁ ସିଏ ନିଏ ॥

ରତିନାରାୟଣ ରାଉତ ।

ହରିଚନ୍ଦନପୁର , କେନ୍ଦୁଝର, ଓଡ଼ିଶା