ଆଖି
ଯାହା ମୁଁ ଦେଖୁଛି ଏଠି
ନିଜର ଆଖିରେ
କାହିଁକି ଦିଶେନି ପ୍ରଭୁ
ତୁମରି ଆଖିରେ
ଚକା ଚକା ଆଖି ବୋଲି
ଦିଶେ ନାହିଁ ଥରେ
ଯାହା ମୁଁ ଦେଖୁଛି ଏଠି…………..୧
ଛୋଟ ଛୋଟ ଆଖି ମୋର
ଅନ୍ୟାୟ ଦେଖୁଛି
ଅଧର୍ମ ପ୍ରହାର କେତେ
ନିତି ଯେ ସହୁଛି
କେମିତି ସହିବି ପ୍ରଭୁ
କୁହ ତୁମେ ଥରେ
ଯାହା ମୁଁ ଦେଖୁଛି ଏଠି…………..୨
ଆଖିଥାଇ ତୁମେ ଯଦି
ନ ଦେଖି ପାରୁଛ
କହିବନି କାହାରିକୁ
କଥା କି ଦେଇଛ?
ତୁମ ଦୁଃଖ ସହି ସହି
ନିତି ଏଠି ମରେ
ଯାହା ମୁଁ ଦେଖୁଛି ଏଠି
ନିଜର ଆଖିରେ………୩
ସତ୍ୟରଞ୍ଜନ ସ୍ୱାଇଁ
ଅବଦଲପୁର, ଯାଜପୁର
